site
stats
بزنس

برطانوی پاؤنڈ 31سال کی کم ترین سطح پر، عالمی،ایشیائی اسٹاک مارکیٹوں میں مندی

عالمی مارکیٹ میں امریکی ڈالر کے مقابلے میں برطانوی پاؤنڈ اکتیس سال کی کم ترین سطح پرآگیا جبکہ یورو بھی گرگیا۔

برطانیہ میں ریفرنڈم کے مکمل نتائج آنے سے قبل ہی دوسری کرنسیوں کے مقابلے میں برطانوی پاؤنڈ کی قدر تیزی سے کم ہوئی جبکہ عالمی،ایشیائی اسٹاک مارکیٹوں سمیت پاکستانی اسٹاک ایکسچینج پربھی منفی اثرات پڑے۔

برطانیہ کے یورپی یونین کا انخلا کا فیصلے آتے ہی عالمی مارکیٹ میں برطانوی پاؤنڈ اپنی قدر کھو گیا، پاؤنڈ کی قدر میں دس فیصد تک کمی ہوئی اور ڈالر کے مقابلے میں پاؤنڈ ایک اشاریہ چونتیس سینٹس پر آ گیا، جو انیس پچاسی کے بعد سے پاؤنڈ کی کم ترین سطح ہے۔

دوسری جانب برطانیہ کے یورپی یونین چھوڑنے کے فیصلے سے عالمی اسٹاک ایکسچینج میں بھی شدید مندی دیکھی گئی، پاکستان اسٹاک ایکسچینج میں بھی مندی کارجحان رہا۔

عالمی مارکیٹ میں سونے کی قیمت کو پر لگ گئے، سونے کی قیمت سو ڈالر اضافے کے بعد تیرہ سو ساٹھ ڈالر فی اونس تک جاپہنچی اور عالمی سطح پرخام تیل کی قیمت 5 فیصد کمی سے 47 ڈالر فی بیرل ہوگئی ہے۔

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top