کامیابیوں‌ کے ناقابل یقین سفر پر برطانوی جامعہ کی وزیر اعظم عمران خان کو مبارک باد -
The news is by your side.

Advertisement

کامیابیوں‌ کے ناقابل یقین سفر پر برطانوی جامعہ کی وزیر اعظم عمران خان کو مبارک باد

لندن: برطانیہ کی مشہور جامعہ کی جانب سے عمران خان کو وزیراعظم منتخب ہونے پر مبارک باد کا پیغام دیا گیا.

تفصیلات کے مطابق پی ٹی آئی کے چیئرمین عمران خان نے وزیراعظم کے عہدے کا حلف اٹھا لیا، انھیں دنیا بھر سے مبارک باد کے پیغامات موصول ہورہے ہیں.

ایسے میں‌ انھیں‌ یونیورسٹی آف بریڈفورڈ  کی جانب سے بھی مبارک باد کا پیغام موصول ہوا، جس کے وہ 2005 سے 2014 تک چانسلر رہے تھے۔

یونیورسٹی انتظامیہ نے اپنے ٹویٹ میں خان کو مبارک باد دیتے ہوئے ان کے کرکٹ سے بریڈفورڈ یونیورسٹی کے چانسلر بننے اور بعد ازاں وزیراعظم کا عہدہ سنبھالنے کے سفر کو ناقابل یقین قرار دیا.

مزید پڑھیں: وزیراعظم عمران خان نے 20رکنی وفاقی کابینہ کی منظوری دے دی

یاد رہے کہ 25 جولائی کو ہونے والے انتخابات میں‌ پاکستان تحریک انصاف عمران خان کی قیادت میں سب سے بڑی جماعت بن کر ابھری اور وفاق اور پنجاب میں‌ حکومت بنانے میں‌ کامیاب رہی.

عمران خان 17 اگست کو ہونے والے وزیر اعظم کے انتخاب میں 176 ووٹ لے کر پاکستان کی تاریخ کے 22 ویں وزیراعظم منتخب ہوئے۔

Comments

comments

یہ بھی پڑھیں