لندن: برطانیہ میں ایک ماہ میں تیسرا موسمی طوفان ٹکرائے گا جسے جارج کا نام دیا گیا ہے۔
غیرملکی خبررساں ادارے کی رپورٹ کے مطابق برطانیہ میں کیارا اور ڈینس کے بعد جارج طوفان سیلاب، طوفانی ہوائیں لائے گا، آج سے شروع ہونے والے جارج میں 70 میل فی گھنٹہ کی رفتار سے ہوائیں چلیں گی۔
رپورٹ کے مطابق سیلانی پانی سے پہلے ہی برطانیہ کی متعدد علاقے متاثر ہیں، جارج طوفان میں 80 ملی لیٹر بارش کا بھی امکان ہے۔
لندن کے محکمہ موسمیات نے طوفان کے پیش نظر زرد وارنگ جاری کردی، جارج طوفان سے ساحلی علاقے زیادہ متاثر ہوں گے۔
مزید پڑھیں: برطانیہ: ڈینس طوفان سے متعدد علاقے متاثر، 2 افراد ہلاک
واضح رہے کہ 17 فروری کو برطانیہ میں طوفان کیارا کے بعد ڈینس نے تباہی مچا ئی تھی، ویلز میں متعدد علاقے طوفان سے شدید متاثر ہوئے، طوفان کے باعث 2 افراد ہلاک ہوگئے تھے۔ ساؤتھ ویلز میں طوفان کو بڑا واقعہ قرار دیا گیا تھا۔
یاد رہے کہ اس سے قبل آنے والے طوفان کیارہ سے بڑے پیمانے پر تباہی ہوئی تھی، نشیبی علاقے زیر آب آ گئے تھے جب کہ جہاز، ٹرین اور پبلک ٹرانسپورٹ بری طرح متاثر ہوئی تھی، طوفان کیارہ کے باعث 2 افراد بھی لقمہ اجل بنے تھے، جب کہ 5 لاکھ سے زائد گھروں کی بجلی کٹ گئی تھی۔
اس طوفان کو دہائی کا سب سے بڑا طوفان قرار دیا گیا تھا، جس نے برطانیہ میں بڑے پیمانے پر تباہی مچا دی تھی، شمالی برطانیہ میں 92 میل فی گھنٹہ کی رفتار سے ہوائیں چلتی رہیں، یارکشائر کے مضافاتی علاقے زیر آب آ گئے، اور پانی لوگوں کے گھروں اور دکانوں میں داخل ہو گیا تھا۔