site
stats
عالمی خبریں

ایران میں برطانوی خاتون کی پانچ سال سزا کے خلاف اپیل مسترد

تہران : ایرانی عدالت نے ایرانی نژاد برطانوی خاتون کی پانچ برس قید کی سزا کے خلاف اپیل مستردکردی ہے۔

تفصیلات کےمطابق برطانوی شہری نازنین زغاری ریٹ کلف کو گزشتہ سال اپریل میں تہران ایئرپورٹ سے حراست میں لیاگیاتھا،جب وہ ایران اپنے والدین سے ملنے کےلیے گئی تھی۔

نازنین زغاری پر قومی سلامتی سے متعلق قوانین کی خلاف ورزی کا الزام تھا جس کے تحت انہیں گرفتار کیاگیاتھا اور ان کی دو سالہ بیٹی کا پاسپورٹ ضبط کرکے اسے نازنین کے والدین کو دے دیاگیاتھا۔

p1

نازنین کے شوہر رچرڈ ریٹکلف کاکہناہےکہ ان کی اہلیہ کی اپیل عدالت نے چار جنوری کو ایک خفیہ سماعت میں مسترد کر دی تھی اور اس کے بارے میں 22 جنوری کو آگاہ کیاگیا۔

p2

رچرڈ ریٹکلف کی جانب سے جاری ہونے والے ایک بیان کے مطابق ان کی اہلیہ کے خلاف الزامات کو خفیہ رکھا گیا ہےتاہم اپیل کے دوران ان پر مزید دو الزامات عائد کیے گئے۔

مزید پڑھیں:ایران میں برطانوی خاتون کو 5سال قید

برطانوی شہری نازنین پر الزام ہےکہ 2009 میں جب بی بی سی فارسی سروس شروع کی گئی تھی تو اس وقت وہ سروس کے لیے ملازمین کو بھرتی کرنے کے شعبے کی سربراہ تھیں۔تاہم ان کی جانب سے اس کی تردید کی گئی ہے۔

p4

نازنین زغاری پر دوسرا الزام یہ ہےکہ انہوں نے ایک برطانوی جاسوس سے شادی کی لیکن حقیقت میں ان کے شوہر اکاؤنٹنٹ ہیں۔

p5

واضح رہےکہ نازنین زغاری کے خاندان کا کہناہےکہ انھوں نے کسی بھی قانون کی خلاف ورزی نہیں کی اور انہیں پورا یقین ہے کہ نازنین بے گناہ ہے۔

p3

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top