یوکرین کے دارالحکومت کیف میں یوکرینی انٹیلیجنس افسر کے دن دہاڑے قتل کی مبینہ ویڈیو منظر عام پر آگئی۔
غیر ملکی میڈیا رپورٹ کے مطابق یوکرین کے دارالحکومت کیف میں دن دہاڑے ایک سینئر انٹیلیجنس افسر کو گولیاں مار کر قتل کرکے حملہ آور موقع سے فرار ہو گیا۔
کیف پولیس کا کہنا ہے کہ جائے وقوعہ پر پہنچنے پر ایک شخص کی لاش ملی جس پر گولیوں کے نشانات تھے، پولیس کا کہنا ہے کہ حملہ آور کی شناخت اور گرفتاری کے لیے اقدامات جاری ہیں۔
خبر رساں ادارے رائٹرز نے سی سی ٹی وی ویڈیو کی تصدیق کی ہے جس میں ایک شخص کو صبح 09:00 بجے کے قریب (مقامی وقت) ہولوسیوفسکی ضلع میں ایک عمارت سے نکلتے ہوئے دیکھا جا سکتا ہے۔
سوشل میڈیا پر گردش کرتی سی سی ٹی وی ویڈیو میں دیکھا جا سکتا ہے کہ حملہ آور نے اچانک آ کر افسر پر کئی گولیاں چلائیں اور موقع سے فرار ہوگیا۔
ویڈیو میں دیکھا جاسکتا ہے ایک شخص سامان اٹھائے گاڑی کی طرف جارہا ہے کہ اچانک اس کے پاس ایک نقاب پوش شخص آیا اور فائرنگ کردی، گولی لگنے سے شخص زمین پر گر گیا جبکہ حملہ آور بھاگ نکلا۔
پولیس کا کہنا ہے حملہ آور کی شناخت کرلی گئی ہے اس کی تلاش جاری ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں