The news is by your side.

Advertisement

یوکرینی صدر کی 12گھنٹے طویل پریس کانفرنس، عالمی ریکارڈ قائم

کیف : یوکرین کے صدر ولودیمیر زیلنسکی نے مسلسل 12 گھنٹے طویل پریس کانفرنس کرکے عالمی ریکارڈ قائم کردیا۔

تفصیلات کے مطابق رواں برس یوکرائن کے صدر منتخب ہونے والے سابق کامیڈین ولودیمیرزیلنسکی 73 فیصد اکثریت سے الیکشن جیتے تھے ، یوکرینی صدر نے اپنی انتخابی مہم کے دوران سابقہ سوویت قوم کےلیے ایک نئے قسم کی سیاست لانے کا وعدہ کیاتھا۔

غیر ملکی میڈیا کا کہنا تھا کہ ولودیمیرزیلنسکی نے جمعرارت کے روز وہ کام کیا ہے جو دنیا کے کسی سیاست دان نے اس سے پہلے نہیں کیا۔یوکرینی صدر نے مسلسل 12 گھنٹے کی پریس کانفرنس کی ہے جسے یوکرینی نیشنل ریکارڈ ایجنسی نے دنیا کی تاریخ کی سب سے لمبی پریس کانفرنس قرار دیا ہے تاہم بین الااقوامی ادارے سے ابھی اس بات کی تصدیق ہونا باقی ہے۔

رواں برس مئی میں اقتدار سنبھالنے کے بعد زیلنسکی کی یہ پہلی اہم پریس کانفرنس تھی جس میں سینکڑوں مقامی انٹرنیشنل صحافی شریک تھے جو کئی گھنٹے تک ولودیمیرزیلنسکی سے سوالات کرتے رہے اور صدر زیلنسکی جواب دیتے رہے۔

یوکرینی صدر کی پریس کانفرنس کا ایجنڈا مشرقی یوکرین کی جنگ، روس کے ساتھ تعلقات اور امریکی صدر ڈونلڈ ٹرمپ کے ساتھ فون پر ہونے والی گفتگو پر مشتمل تھا جس کے بعد ڈونلڈ ٹرمپ کے خلاف مواخذے کا مطالبہ کیا جارہا ہے۔

اس سے قبل بیلاروس کے صدر الیگزینڈر لوکاشینکو نے مسلسل 7گھنٹے تک پریس کانفرنس کا ریکارڈ بنایا تھا۔

زیلنسکی نے یوکرینی میڈیا کو بتایا کہ مذکورہ پروگرام سے قبل سے اپنی آواز کو طاقتور بنانے کےلیے انجیکشن لگائے تھے۔

Comments

comments

یہ بھی پڑھیں