The news is by your side.

یوکرین کی حکومت گرانے سے متعلق روس کا اہم بیان

ماسکو : کریملن کے ترجمان دیمتری پیسکوف نے کہا ہے کہ روس یوکرین کی موجودہ حکومت کو معزول کرنے کی کوشش نہیں کر رہا اور نہ ہی کوئی ایسا ارادہ ہے۔

انہوں نے یہ بھی یقین دہانی کروائی کہ یہ بتائے بغیر کہ مقاصد کیا ہیں ماسکو یوکرین میں اپنے اہداف حاصل کرے گا۔

ایک سوال کے جواب میں کہ کیا کریملن کیف میں حکومت کی تبدیلی کو اپنی فوجی مہم کے مقاصد میں سے ایک کے طور پر دیکھتا ہے جس کے جواب میں پیسکوف نےکہا کہ نہیں ایسا نہیں ہے اور روسی صدر بھی پہلے اس بارے میں بات کر چکے ہیں۔

ترجمان دیمتری پیسکوف نے اس بات پر زور دیا کہ روس یوکرین میں اپنے اہداف حاصل کرنے کے لیے پرعزم ہے، جو مختلف طریقوں اور مختلف شکلوں میں حاصل کئے جا سکتے ہیں.

یاد رہے قبل ازیں اے آئی ایف اخبار کو انٹرویو دیتے ہوئے روس کی فیڈریشن کونسل کے نائب اسپیکر کونسٹنٹین کوساچیو نے یہ تجویز پیش کی تھی کہ ماسکو اور کیف کے درمیان تعلقات یوکرین میں قیادت کی تبدیلی کے بعد ہی معمول پر آسکتے ہیں۔

انہوں نے دعویٰ بھی کیا تھا کہ کیف میں موجودہ حکومت میں لچک کا فقدان ہے اور وہ اپنے سابقہ اقدامات اور نظریے کی پابند ہے۔

Comments

یہ بھی پڑھیں