The news is by your side.

Advertisement

وزیراعظم سے برطانیہ کےلارڈ ڈینیل حنان کی ملاقات ، گرین پاکستان ویژن کی تعریف

اسلام آباد : برطانیہ کےلارڈ ڈینیل حنان نے وزیراعظم عمران خان سے ملاقات میں گرین پاکستان ویژن کی تعریف کرتے ہوئے 10بلین ٹری سونامی منصوبے کو سراہا۔

تفصیلات کے مطابق وزیراعظم عمران خان سے برطانیہ کےلارڈ ڈینیل حنان کی ملاقات ہوئی ، گورنرپنجاب چوہدری سروربھی ملاقات میں شریک تھے۔

ملاقات میں ملکی صورتحال سمیت دیگر امور پر تبادلہ خیال کیا گیا جبکہ پاکستان اور برطانیہ کے درمیان تعقات پر بھی بات چیت ہوئی۔

لارڈ حنان نے وزیراعظم کے گرین پاکستان ویژن کی تعریف کرتے ہوئے 10بلین ٹری سونامی منصوبے کوبھی سراہا۔

دوران ملاقات برطانیہ کےلارڈ ڈینیل حنان کا کہنا تھا کہ آپ کے منصوبے نےعالمی سطح پرزبردست پذیرائی حاصل کی ہے۔

خیال رہے وزیر اعظم عمران خان کے گرین وژن کی دنیا بھر میں پذیرائی جاری ہے، اقوام متحدہ نے پاکستان کو ایشیا کا فاریسٹری چیمپئن منتخب کر لیا۔

پاکستان کو یو این ادارہ برائے موسمیاتی تبدیلی نے فاریسٹری چیمپئن قرار دیا ہے، پاکستان بطور ریجنل چیمپئن ایشیائی ممالک کی فاریسٹری منجمنٹ میں مدد کرے گا۔

Comments

یہ بھی پڑھیں