لاہور: ڈسپلن کی خلاف ورزی پر معطل کرکٹر عمر اکمل آج پی سی بی کو شوکاز نوٹس کا جواب دیں گے، عمر اکمل کی طرح بڑے بھائی کامران اکمل نے بھی میڈیا سے ناراضگی کا اظہار کردیا ہے.
عمر اکمل ڈانس پارٹی میں تھے یا نہیں معاملہ معمہ بن گیا ہے، عمر اکمل سارے واقعے پر میڈیا سے ناراض دکھائی دیئے جبکہ عمر اکمل کے بڑے بھائی کامران اکمل کا کہنا تھا کہ عمر اکمل نے دوہزار چھ میں بڑے بھائی کی شادی میں ڈانس کیا تھا، یہ ویڈیو اب چلانے سے دنیا میں پاکستان کا اچھا امیج نہیں جا رہا، میڈیا یہ فوٹیج چلانا بند کر دے۔
دوسری جانب عمر اکمل کی ٹیم کے کوچ باسط علی نے بھی عمر اکمل کے ڈانس پارٹی میں پکڑے جانے کی خبروں کو بے بنیاد قرار دیا تھا جبکہ شاہد آفریدی انگلینڈ کے خلاف سیریز کے لئے بورڈ سے عمر اکمل کو پہلے ہی مانگ چکے ہیں۔
اتنے دن گزر جانے کے باوجود عمر اکمل کے خلاف کوئی ٹھوس ثبوت یا فوٹیج سامنے نہیں آئی اور نہ ہی ان کے خلاف کوئی مقدمہ درج ہے، ایسے میں عمر اکمل کو جلد ہی کلین چٹ ملنے کا امکان ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں