قومی کرکٹر عمر اکمل تلخیاں بھلا کر اہلیہ کے ساتھ سابق کرکٹر ذوالقرنین حیدر کی عیادت کے لیے پہنچ گئے۔
اے آر وائی نیوز کے مطابق قومی کرکٹر عمر اکمل کی اہلیہ کے ہمراہ ساتھی کرکٹر ذوالقرنین حیدر کی رہائش گاہ آمد ہوئی اور انہوں نے بیمار کرکٹر کی عیادت کی۔
عمر اکمل نے کہا کہ ذوالقرنین حیدرکی ویڈیو دیکھی جس سے مجھے بہت افسوس ہوا میں انسانیت کے ناطے یہاں آیا ہوں، اللہ کسی پرایسا وقت نہ لائے۔
جزاک اللہ عمر اکمل بھائی
کرکٹر عمر اکمل اور انکی اہلیہ نے بہت اچھے رویے کا مظاہرہ کیا، بیمار کرکٹر ذوالقرنین حیدر کی عیادت کرنے پہنچ گئے اور انکی مالی مدد بھی کی
عمر اکمل کہتے ہیں درد کی اس گھڑی میں ذوالقرنین کو اس حالت میں دیکھا نہیں گیا@Umar96Akmal @NoorUmar6 #ZulqernainHaider pic.twitter.com/q1fir538Sk— Qadir Khawaja (@iamqadirkhawaja) July 8, 2022
انہوں نے کہا کہ جتنی ہوسکتی تھی مدد کی ہے اور 24 گھنٹے دستیاب ہوں ماضی کولےکرمیرے دل میں کچھ نہیں ہے۔
واضح رہے کہ ذوالقرنین حیدر معدے میں انفیکشن کی وجہ سے اسپتال میں داخل تھے سرجری کے بعد ان کا کہنا تھا کہ ابھی کمزوری ہے مکمل طور پر صحت یاب نہیں ہوا پی سی بی مدد کرے۔
بعدازاں پی سی بی کی جانب سے ندیم عمر اور دیگر حکام نے ذوالقرنین کی مدد کی تھی۔ پی سی بی کی جانب سے سابق کرکٹر کی مدد کرنے پر شائقین کرکٹ نے خوب سراہا تھا۔
