کامیڈی کے بادشاہ عمر شریف کی حالیہ تصاویردیکھ کر ان کے چاہنے والوں میں تشویش کی لہر دوڑ گئی ہے اور ہر کوئی ان کی صحت کے لئے دعاگو ہے۔
اپنی منفرد مزاح کے باعث غمگین چہروں کو ہنسی لانے والے عمر شریف ان دنوں علیل ہیں، لیجنڈ اداکار کی علالت کی تصویر سوشل میڈیا پر تیزی سے وائرل ہوئی، جنہیں دیکھ کر صارفین افسردہ ہوگئے ہیں۔
تصویر میں عمر شریف کو وہیل چیئر پر بیٹھے دیکھا جا سکتا ہے کہ ان کی داڑھی بڑھی ہوئی ہے اور وہ کافی کمزور نظر آرہے ہیں، ان کی آنکھوں کے گرد سیاہ ہلکے موجود ہیں۔
Pakistan’s Shahenshah of comedy #UmarSharif is not well. Please pray for his speedy recovery ❤️🩹
He is one of the greatest comedians in the subcontinent, pride of #Pakistan 🇵🇰 pic.twitter.com/5pdTBjnxcA— Jimmy (@A_Rizvi110) August 31, 2021
لیجنڈ کامیڈین عمر شریف کی یہ تصاویر دیکھتے ہی دیکھتے سوشل میڈیا پر وائرل ہوئیں اور لوگوں نے ان کی تصاویر پر تبصرہ کرتے ہوئے ان کی صحت کے حوالے سے تشویش کا اظہار اور ان کی جلد صحت یابی کے لیے دعائیں کیں ہیں۔
واضح رہے کہ عید الاضحیٰ کے موقع پر اے آر وائی نیوز کے پروگرام میں میزبان وسیم بادامی کو انٹرویو دیتے ہوئے عمر شریف نے اپنی بیٹی حرا شریف کی موت کا تذکرہ کیا اور آبدیدہ ہوگئے تھے۔
عمر شریف صاحب ایک لیجنڈری اداکار ہیں اللہ پاک ان کو مکمل صحت اور تندرستی عطا فرمائے۔#UmerShareef #UmarSharif pic.twitter.com/HgAXuuwm0B
— Imran Zafar (@Gondal_hon) September 1, 2021
افسوسناک واقعے سے متعلق لیجنڈ کامیڈین کا کہنا تھا کہ میں ایک پروگرام کے سلسلے میں امریکا میں تھا، شوٹنگ کے دوران مجھے اطلاع ملی کہ میری بیٹی کی طبیعت بہت زیادہ خراب ہے جس پر میں نے فوری طور پر سب چھوڑ چھاڑ کر پاکستان آنے کی تیاری کی، جب میں پاکستان پہنچا تو لاہور ایئر پورٹ پر مجھے لینے کیلیے آنے والے لوگوں نے کہا کہ عمر بھائی بہت افسوس ہوا میں نے پوچھا کیوں کیا ہوگیا؟۔
جسے ہی مجھے پتہ چلا معلوم ہوا کہ میری بیٹی اب اس دنیا میں نہیں رہی تو میں چکرا کر گر گیا، اس واقعے کے بعد سے مجھے اب زیادہ چکر آنے لگے۔
واضح رہے کہ اٹھارہ فروری دو ہزار بیس ک عمر شریف کی صاحبزادی حرا عمر لاہور میں انتقال کر گئی تھیں۔
