The news is by your side.

Advertisement

مقبوضہ کشمیر میں کشیدگی، اقوام متحدہ کی پاک بھارت سے تحمل کی اپیل

نیویارک : اقوام متحدہ نے مقبوضہ کشمیر میں کشیدگی پر پاکستان اوربھارت سے اپیل کرتے ہوئے کہا دونوں ملک تحمل کا مظاہرہ کریں تاکہ حالات مزید خراب نہ ہوں۔

تفصیلات کے مطابق مقبوضہ کشمیرمیں کشیدگی پر اقوام متحدہ نے پاکستان اور بھارت سے تحمل کی اپیل کردی ہے۔

مقبوضہ وادی کی موجودہ صورتحال کے تناظر میں ترجمان سیکرٹری جنرل نے کہا کہ دونوں ملک تحمل کا مظاہرہ کریں تاکہ حالات مزید خراب نہ ہوں۔

اس سے قبل او آئی سی نےمقبوضہ کشمیرکی کشیدہ صورتحال کا نوٹس لیتے ہوئے مقبوضہ وادی میں بھارت کے اضافی فوجیوں کی تعیناتی، سیز فائر کی خلاف ورزی اورکلسٹربم حملوں پرتشویش کااظہار کیا تھا۔

اوآئی سی نے سیزفائر کی خلاف ورزی میں شہریوں کی اموات پردکھ کا اظہار کرتے ہوئے عالمی برادری پرمسئلہ کشمیرحل کرانے میں کردار ادا کرنے پر زوردیا۔

مزید پڑھیں : لائن آف کنٹرول اور مقبوضہ کشمیر میں بھارتی جارحیت، او آئی سی کا اظہارِ تشویش

خیال رہے مقبوضہ کشمیرمیں صورتحال انتہائی کشیدہ ہے ، کشمیریوں پر زندگی تنگ کرنے کیلئے مزید اڑتیس ہزار فوجی تعینات کردیئے ہیں اور لوگ گھروں میں محصورہوکررہ گئے، کشمیریوں نے کھانے پینے کی اشیا، دوائیں اور پیٹرول جمع کرنا شروع کردیا، اس دوران لوٹ مار کی وارداتوں میں بھی اضافہ ہوا۔

کشمیری رہنما محبوبہ مفتی،عمرعبداللہ اورسجاد لون سمیت دیگر رہنماؤں کوبھی نظربند کردیاگیا ہے اور مقبوضہ وادی میں دفعہ ایک چوالیس نافدکر کےوادی میں تمام تعلیمی اداروں کو تاحکم ثانی بنداور لوگو ں کی نقل وحرکت پربھی پابندی عائد کردی گئی ہے۔

سری نگر سمیت پوری وادی کشمیرمیں موبائل فون،انٹرنیٹ،ریڈیو، ٹی وی سمیت مواصلاتی نظام معطل کردیاگیا ہے جبکہ بھارتی فورسز کے اہلکاروں نے پولیس تھانوں کا کنٹرول سنبھال لیا ہے۔

Comments

comments

یہ بھی پڑھیں