The news is by your side.

Advertisement

اقوام متحدہ نے پاکستان کی شجرکاری کے ذریعے جنگلات کا خاتمہ روکنے کی کوشش کو سراہا

بیجنگ: وزیراعظم کے مشیر برائے ماحولیاتی تبدیلی ملک امین اسلم کا کہنا ہے شجرکاری کے ذریعے پاکستان میں جنگلات کا خاتمہ روکنے کی کوشش کی اقوام متحدہ نے تعریف کی ہے۔

تفصیلات کے مطابق اقوام متحدہ کے جنگلات کے خاتمے پر قابو پانے کے بارے میں کنونشن کے ایگزیکٹو سیکرٹری نے چین کے شہر کوبوچی میں وزیراعظم کے مشیر برائے ماحولیاتی تبدیلی ملک امین اسلم سے ملاقات کی۔

اقوام متحدہ کے کنونشن کے ایگزیکٹو سیکرٹری نے پاکستان کی جانب سے اپنے وسائل کو بروئے کار لاتے ہوئے شجرکاری کے ذریعے جنگلات کا خاتمہ روکنے اور بنجر زمین کو بہتر بنانے سے متعلق کوششوں کو سراہا ہے۔

اس موقع پر جنگلات کے خاتمے پر قابو پانے کے بارے میں اقوام متحدہ کے کنونشن کے ساتھ مستقبل میں تعاون بڑھانے پر اتفاق کیا گیا

اس سے قبل وزیراعظم عمران خان کے مشیر برائے ماحولیاتی تبدیلی ملک امین اسلم نے کوبوچی میں ساتویں بین الاقوامی ڈیزرٹ فورم میں شرکت کی تھی اور شجرکاری کے ذریعے اس مسئلے سے نمٹنے کے لیے پاکستان کے عزم کے بارے میں بھی بتایا تھا۔

پاکستان میں جنگلات کے رقبے میں اضافہ

یاد رہے کہ رواں سال یکم مارچ کو امریکی خلائی ایجنسی ناسا کی جانب سے جاری کی گئی تصاویر میں پاکستان میں جنگلات کے رقبے میں اضافہ دیکھا گیا تھا۔ ماہرین نے اس کا کریڈٹ بلین ٹری سونامی منصوبے کو قرار دیا تھا۔

Comments

یہ بھی پڑھیں