اقوام متحدہ کے جنرل سیکرٹری انتونیو گوئترس نے کورونا سے بچاو کی ویکسین لگوا لی۔
بین الاقوامی میڈیا رپورٹس کے مطابق نیویارک میں یو این سیکرٹری جنرل کو کورونا ویکسین کا پہلا انجیکشن لگایا گیا۔ عمر کے اعتبار سے ان کا شمار ان افراد میں ہوتا ہے جنہیں نیویارک میں جاری ویکسین نیشن کے پہلے مرحلے میں ویکسین لگائی جانی تھی۔
نیویارک میں 65 سال سے بڑے شہریوں کے علاوہ طبی عملے، اسکولز ورکرز اور دیگر ضروری امور انجام دینے والوں کو ویکسین لگائی جارہی ہے۔ 71 سالہ یو این سیکرٹری جنرل کو ان کی عمر کے اعتبار سے معمر افراد میں شامل کرکے ویکیسن کی پہلی خوراک دی گئی۔
اپنے ٹوئٹر پیغام میں انہوں نے عالمی برداری پر زور دیا کہ کورونا ویکسین کی ہر ایک کے لیے دستیابی کو یقینی بنایا جائے۔
"We must get to work to make sure the vaccine is available to everyone, everywhere. With this pandemic, none of us are safe until all of us are safe."
— @antonioguterres after getting his #COVID19 vaccine in NYC on Thursday. pic.twitter.com/LbuEmA2hfw
— United Nations (@UN) January 29, 2021
انہوں نے کہا کہ ہمیں لازمی اس امر پر کام کرنے کی ضرورت ہے جس میں ہر جگہ اور ہر ایک کے لیے اس وبا کے دوران کورونا ویکسین دستیاب ہو، اس وقت تک ہم میں سے کوئی محفوظ نہیں ہو سکتا جب تک کہ ہم سب محفوظ نہ ہوجائیں۔
یو این سیکرٹری جنرل نے شہریوں سے ویکسین لگوانے کی اپیل کی اور ساتھ ہی ساتھ وبا سے بچاو کے لیے احتیاطی تدابیر پر عملدرآمد کرنے پر زور دیا۔
