The news is by your side.

Advertisement

یمن تنازع، امریکا سمیت اہم ممالک کے دورے کے بعد گریفتھس آج سعودی عرب پہنچیں گے

نیویارک: اقوام متحدہ کے خصوصی مندوب برائے یمن مارٹن گریفتھس امریکا سمیت اہم ممالک کا دورہ کرنے کے بعد آج سعودی عرب پہنچیں گے، جہاں وہ یمن میں قیام امن کی کوششوں پر تبادلہ خیال کریں گے۔

تفصیلات کے مطابق مارٹن گریفتھس روس، متحدہ عرب امارات، امریکا اور سلطنت عمان کے میراتھن دورے کے بعد آج سعودی عرب پہنچیں گے، دورے کا مقصد یمن میں ہرصورت امن کا قیام ہے۔

غیر ملکی خبر رساں ادارے کے مطابق یمن کے حکومتی اہم عہدیداروں سے اقوام متحدہ کے مندوب ملاقاتیں کریں گے، اور خطے کی تازہ صورت حال پر گفتگو ہوگی۔

مارٹن گریفتھس یمن میں جنگ بندی کی کوششوں کو آگے بڑھانے کے لیے تمام اہم اسٹیک ہولڈرز سے مذاکرات کر چکے ہیں، حال ہی میں انہوں نے امریکا کا دورہ کیا تھا اور وزیرخارجہ مائیک پومپیو سے خصوصی ملاقات کی تھی۔

ادھر غیر ملکی میڈیا نے دعویٰ کیا ہے کہ حکومت نے حوثیوں کی طرف سے جنگ بندی معاہدے کی مسلسل خلاف ورزیوں کے بعد سویڈن سمجھوتے پر عمل درآمد معطل کرنے پر غور شروع کردیا ہے۔

خیال رہے کہ جنگ بندی کے باوجود دونوں طرف سے ایک دوسرے پر حملے کیے جارہے ہیں، جبکہ حوثی باغیوں کی جانب سے سعودی عرب پر بیلسٹک میزائل حملے بھی جاری ہے۔

یمنی فورسز اور حوثی باغیوں کے درمیان جھڑپیں، 42 جنگجو ہلاک

یاد رہے کہ گذشتہ روز ہی یمن کے دو مختلف علاقوں میں فورسز اور حوثی باغیوں کے درمیان جھڑپیں ہوئیں، مشرقی صوبے مارب کے مغرب میں صراوح کے محاذ پر یمنی فوج کے ہاتھوں 20 حوثی مارے گئے۔

Comments

یہ بھی پڑھیں