نیویارک: اقوام متحدہ کی جنرل اسمبلی نے پاکستان میں سیلاب سے تباہ کاری سے متعلق قرارداد منظور کر لی۔
تفصیلات کے مطابق یو این جنرل اسمبلی نے پاکستان میں سیلاب سے تباہی پر متفقہ قرارداد منظور کر لی، قرارداد میں پاکستان میں سیلاب اور موسمیاتی تبدیلیوں سے تباہی پر گہرے رنج اور ہمدردی کا اظہار کیا گیا ہے۔
قرارداد میں جنرل اسمبلی نے سیلاب متاثرین کی بحالی کے لیے عالمی تعاون اور امداد کی اپیل میں اضافہ کر دیا۔
جنرل اسمبلی نے آئندہ موسمیاتی تبدیلیوں کے اثرات کا مقابلہ کرنے پر توجہ دینے اور اقدامات پر زور دیا، جنرل اسمبلی کے صدر نے کہا پاکستان کو اس وقت موسمیاتی تبدیلیوں کے باعث تباہی کا سامنا ہے۔
Pakistan is on the verge of a public health disaster & severe hunger is spiking.
While the rains may have ceased, the effects of the floods will linger for years to come.
I urge donors & relevant organizations to support rehabilitation & reconstruction efforts.
— António Guterres (@antonioguterres) October 7, 2022
اقوام متحدہ کے سیکریٹری جنرل انتونیو گوتریس نے ٹویٹ میں لکھا کہ میں عطیہ دہندگان اور متعلقہ اداروں سے اپیل کرتا ہوں کہ وہ بحالی اور تعمیر نو کی کوششوں میں پاکستان کے ساتھ تعاون کریں۔
انتونیو گوتریس نے لکھا ’پاکستان صحت عامہ کی تباہی کے دہانے پر ہے اور بھوک سے اموات کا خطرہ بڑھتا جا رہا ہے، اگرچہ بارشیں تھم چکی ہیں، لیکن سیلاب کے اثرات آنے والے برسوں تک برقرار رہیں گے۔‘
