The news is by your side.

Advertisement

اقوام متحدہ کےمبصرین کا بھارتی گولہ باری سے متاثرہ علاقوں کادورہ

سیالکوٹ: اقوام متحدہ کے مبصرین نے ورکنگ باوٗنڈری پر بھارت کی فائرنگ سے متاثرہ علاقے کا دورہ کیا۔

تفصیلات کے مطابق آج بروز ہفتہ اقوام متحدہ کے تین مبصر ورکنگ باؤنڈری پر بھارت کی گولہ باری سے متاثرہ علاقے میں پہنچے۔

مبصرین نے گولہ باری سے ہونے والے نقصانات کا جائزہ لیا اورشواہد جمع کئے۔

مبصرین نے گولہ باری کے سبب متاثر ہونے والے شہریوں سے بھی ملاقات کی اوران کے تاثرات قلم بند کئے۔

واضح رہے کہ بھارت کی جانب سے ورکنگ باؤنڈری پر گزشتہ کئی ماہ سے بلااشتعال فائرنگ کا سلسلہ جاری ہے۔

بھارت کے اس جارحانہ رویے سے اب تک متعدد افراد شہید جبکہ درجنوں زخمی ہوچکے ہیں۔ فائرنگ کے سبب سینکڑوں مکانات کو بھی نقصان پہنچا ہے۔

گزشتہ روز بھارت نے تمام تر حدوں کو پار کرتے ہوئے پاکستانی علاقے میں شدید فائرنگ کی جس کے سبب 08 افراد شہید جبکہ 50 کے لگ بھگ زخمی ہوگئے۔ فائرنگ کا نشانہ بننے والوں میں عورتوں اور بچوں کی بڑی تعداد شامل ہے۔

Comments

comments

یہ بھی پڑھیں