راولپنڈی: اقوام متحدہ کے امن مشن میں فرائض سرانجام دینے والا پاک فوج کا سپاہی جام شہادت نوش کرگیا۔
پاک فوج کے شعبہ تعلقات عامہ ( آئی ایس پی آر) کے مطابق کانگو میں اقوام متحدہ کے امن مشن میں فرائض انجام دینےوالا پاکستانی فوجی شہید ہوگیا ہے، حوالداربابرصدیق کانگو میں امن مشن میں خدمات انجام دے رہےتھے۔
آئی ایس پی آر کے مطابق ایک گروپ نے تیس ستمبرکو پرماننٹ آپریشنل بیس پرہتھیارڈالنےکے نام پرحملہ کیا، حوالداربابرصدیق کالعدم ہتھیارڈالنے والوں کی رجسٹریشن کررہاتھا کہ ایک حملہ آور نے ان پر فائرنگ شروع کردی، جس کے باعث بابر صدیق کے سر میں گولی جالگی، جس کے نتیجے میں وہ شدید زخمی ہوگئے۔
یہ بھی پڑھیں: اقوام ِمتحدہ کےامن مشن میں تعینات پاکستانی خواتین نے دنیا بھر میں پاکستان کا نام بلند کردیا
آئی ایس پی آر نے بتایا کہ شہید حوالدارکو فوری طورپر نزدیکی پاکستان آرمی میڈیکل ایڈ پوسٹ لےجایا گیا جہاں زخمی حولداربابرصدیق زخموں کی تاب نہ لاکرچل بسے، واقعے کے بعد پاک فوج کےا ہلکاروں نے فوری جوابی کارروائی کی۔
UN PEACE KEEPING MISSION
DEMOCRATIC REPUBLIC OF CONGOA Pakistani peacekeeper Havaldar Babar Siddique embraced martyrdom in the line of duty on UN Peace Keeping Mission in Democratic Republic of Congo.
On 30th September 2022, 6x armed assailants from 1/n pic.twitter.com/VOENdNAIJU
— Pakistan Strategic Forum (@ForumStrategic) October 1, 2022
آئی ایس پی آرکی جانب سے جاری بیان میں بتایا کہ پینتیس سالہ شہید حوالدار کا تعلق ضلع نارووال کی تحصیل شکرگڑھ سے تھا، شہید کےلواحقین میں بیوہ،ایک بیٹااورایک بیٹی شامل ہیں۔
واضح رہے کہ پاکستان کے امن مشن کے جوانوں نے ہمیشہ امن مشن ٹاسک کیلئےنمایاں کردارادا کیا جس کا مقصد عالمی امن کی خاطر اقوام متحدہ کے مختلف امن مشنزمیں سرگرم حصہ لینا ہے جس کے لئے پاکستان کےجوانوں نے اپنی جانوں کا نذرانہ بھی پیش کیاہے۔
آئی ایس پی آر کے مطابق اب تک پاکستان کے171پیس کیپرزمختلف امن مشنزمیں اپنی جانیں قربان کرچکےہیں۔
