The news is by your side.

Advertisement

بھارت مقبوضہ کشمیر میں انسانی حقوق کے ماہرین کو داخلے کی اجازت دے، یو این کا دباؤ

نیویارک: اقوام متحدہ نے بھارتی حکومت پر دباؤ ڈالا ہے کہ وہ مقبوضہ کشمیر میں انسانی حقوق کے ماہرین کو داخلے کی اجازت دے۔

تفصیلات کے مطابق اقوام متحدہ کے ہائی کمشنر برائے انسانی حقوق میشل بیچلٹ اور سابق ہائی کمشنر زید الراعد حسین نے مقبوضہ کشمیر میں بھارتی ظلم و ستم پر بیان میں کہا کہ بھارت مقبوضہ کشمیر میں انسانی حقوق کے ماہرین کو داخلہ کی اجازت دے۔

انہوں نے کہا کہ مقبوضہ کشمیر کی صورتحال کی بین الاقوامی تحقیقات کرائی جائے، تاکہ وہاں کے موجودہ حالات کا صحیح سے جائزہ لیا جاسکے۔

ادھر اقوام متحدہ سیکرٹری جنرل انتونیو گوٹریز کا کہنا تھا کہ ہیومن رائٹس حکام بھارت سے رابطے میں ہیں اور امید ہے جلد انسانی حقوق ماہرین کو مقبوضہ کشمیر تک رسائی دی جائے گی۔

آرٹیکل 370 منسوخی کیس ، بھارتی سپریم کورٹ حکومتی فیصلے کے خلاف سماعت کرے گا

بھارت کی جانب سے مقبوضہ کشمیر کی خصوصی حیثیت ختم کرنے کے بعد وادی کے حالات مزید خراب ہوچکے ہیں، جبکہ بھارتی سپریم کورٹ نے آرٹیکل 370 کی منسوخی کیس میں حکومت کونوٹس کرتے ہوئے سات دن میں تفصیلی جواب طلب کرلیا ہے، پانچ رکنی بینچ اکتوبر کے پہلے ہفتے میں مزید سماعت کرے گا۔

یاد رہے بھارتی ایڈووکیٹ ایم ایل شرما، مقبوضہ کشمیر کی نیشنل کانفرنس کے رہنما محمد اکبر لون اور جسٹس ریٹائرڈ حسنین مسعودی سمیت دیگر نے آرٹیکل 370 کی منسوخی کو سپریم کورٹ میں چیلنج کیا تھا۔

Comments

comments

یہ بھی پڑھیں