یو این سلامتی کونسل نے کہا ہے کہ ٹی ٹی پی اور افغان طالبان گٹھ جوڑ سے پاکستان میں دہشت گردی کے خطرات میں اضافہ ہوا ہے۔
اے آر وائی نیوز کے مطابق یو این سلامتی کونسل رپورٹ میں پاکستان کو درپیش خطرات کی نشاندہی کی گئی ہے۔
سلامتی کونسل رپورٹ میں کہا گیا ہے ٹی ٹی پی اور افغان طالبان تعاون میں اضافہ ہوا ہے، طالبان کی حمایت سے ٹی ٹی پی نے پاکستان میں حملے تیز کر دیئے ہیں، سرحد پار سے پاکستانی چوکیوں پر حملے ہوتے ہیں۔
یو این سلامتی کونسل رپورٹ میں کہا گیا ہے کہ ٹی ٹی پی کے پاس 6 سے ساڑھے 6 ہزار کارندے ہیں، ٹی ٹی پی افغانستان سے حاصل نیٹو ہتھیار استعمال کر رہے ہیں۔
یو این رپورٹ کے مطابق القاعدہ ٹی ٹی پی کیلئے ہتھیاروں اور خودکش جیکٹوں کیلئے فنڈنگ کر رہی ہے، افغانستان سے دہشتگردی کا خطرہ رکن ممالک کیلئے باعث تشویش ہے۔
