نیویارک : امریکہ اور اسرائیل سمیت یورپی یونین کی اکثریت ہار گئی، اقوام متحدہ کے ہیڈ کوارٹر میں فلسطین کا پرچم لہرانے کی قرارداد جنرل اسمبلی میں کثرت رائے سے منظور کرلی گئی۔
فلسطینی وزیراعظم نے قرارداد کی کامیابی کو اقوام متحدہ کی رکنیت جانب پیش قدمی قراردیا ہے، امریکہ اور اسرائیل کی مخالفت کے باوجود فلسطینی قرارداد نے جنرل اسمبلی میں ایک سو ترانوے میں سے ایک سو انیس ووٹ حاصل کیے۔
یورپی یونین کے زیادہ تر ارکان نے قرارداد کی مخالفت میں ووٹ دیے تاہم فرانس سمیت آدھا درجن ای یو ممبرز نے قرارداد کی حمایت کی۔
قرارداد کے مطابق مبصر ریاست کے پرچم کو بیس دن کے اندر ہیڈکوارٹر پر لہرانا ہوگا، فلسطینی ڈپلومیٹس پرامید ہیں، تیس ستمبر کو جنرل اسمبلی کے اجلاس سے فلسطینی صدر کے خطاب تک پرچم لہرا دیا جائے گا۔
