site
stats
عالمی خبریں

میانمارحکومت رخائن میں فوجی آپریشن ختم کرے‘ انٹونیوگوٹیریس

Secretary General

نیویارک : اقوام متحدہ کے سیکریٹری جنرل انٹونیوگوٹیریس نے مطالبہ کیا ہے کہ میانمار حکومت رخائن میں فوجی آپریشن ختم کرے اور امدادی اداروں کو متاثرہ علاقوں تک رسائی دی جائے۔

تفصیلات کے مطابق اقوام متحدہ کے سیکریٹری جنرل انٹونیوگوٹیریس نے سلامتی کونسل کے اجلاس سے خطاب کرتے ہوئے کہا کہ میانمار میں روہنگیا مسلمانوں پر ظلم وستم انسانی حقوق کی خلاف ورزی ہے۔

اقوام متحدہ کے سیکریٹری جنرل کا کہنا ہے کہ ہمیں میانمار سے جان بچا کربھاگنے والے روہنگیائی افراد خواتین اور بچوں سے متعلق انتہائی لرزہ خیز معلومات حاصل ہوئی ہیں۔

انہوں نے کہا کہ روہنگیا مسلمانوں پر اسلحےسے فائرنگ، بارودی سرنگوں سے ان کی ہلاکت اور خواتین کے ساتھ زیادتی انسانی حقوق کی سنگین خلاف ورزی ہے۔

اقوام متحدہ کے سیکریٹری جنرل انٹونیوگوٹیریس کا کہنا ہے کہ میانمار کے مسئلے نے پڑوسی ممالک اور خطے پرنسلی کشیدگی جیسے سنگین اثرات مرتب کیے ہیں۔


اقوام متحدہ کے سیکریٹری جنرل نے روہنگیا مظالم کو مسلمان نسل کشی قرار دے دیا


واضح رہے کہ گزشتہ دنوں اقوامِ متحدہ کے سیکریٹری جنرل انٹونیو گوٹیریس کا کہنا تھا کہ میانمار میں مسلمانوں پر حملے ناقابل قبول ہیں، فوجی آپریشن کے نام پر روہنگیا کے مسلمانوں کی نسل کشی جاری ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top