The news is by your side.

Advertisement

شیرخوار بچے نے بھاری بھرکم بال اٹھا کر سب کو حیران کردیا

کیا آپ کا شیرخوار بچہ خود سے کئی گنا وزنی شے اٹھا سکتا ہے! ایک سالہ بچے نے بھاری بھرکم بال اٹھا کر سوشل میڈیا صارفین کو حیران کردیا۔

بھاری بھرکم شے اٹھانا تو دور اس عمر میں شیر خوار بچوں کا درست طریقے سے چلنا بھی محال ہوتا ہے لیکن ویڈیو میں نظر آنے والے بچے نے کمال کردیا۔

خود سے زیادہ وزنی بال اٹھانے کی ویڈیو سوشل میڈیا پلیٹ فارم ریڈٹ پر شیئر ہوئی جس میں ایک بچہ حیران کن طور پر کالے رنگ کی 6 کلو وزنی بال اٹھا رہا ہے۔

ویڈیو بنانے والے شخص نے اپنے ویڈیو میں بتایا کہ ’ایک سالہ بچہ چھ کلو وزنی بال اٹھا رہا ہے اور ساتھ ہی ویڈیو دیکھنے والوں کو بچوں سے اتنا وزن نہ اٹھانے کی تلقین کی۔

ویڈیو کو ریڈٹ پر اب تک 62 ہزار سے زائد صارفین دیکھ چکے ہیں جب کہ 2300 افراد نے اس پر تبصرے کیے ہیں۔

پوسٹ کرنے والے نے یہ نہیں بتایا وہ ویڈیو کس ملک یا شہر کی ہے، ویڈیو پر تبصرہ کرتے ہوئے ایک صارف نے کہا کہ ’امید ہے کہ یہ بچہ مستقبل میں اولمپکس کے ویٹ لفٹنگ کے مقابلوں میں اپنے ملک کےلیے میڈل حاصل کرے گا‘۔

Comments

یہ بھی پڑھیں