دبئی: انڈر 19 ایشیا کپ کے سیمی فائنل میں سری لنکا نے پاکستان کو 22 رنز سے شکست دے کر فائنل کے لیے کوالیفائی کرلیا۔
دبئی میں کھیلے جانے والے سیمی فائنل میچ میں پاکستان کی ٹیم 148 رنز کے تعاقب میں 125 رنز پر ڈھیر ہوگئی، احمد خان کی 36 اور محمد شہزاد کی 30 رنز کی اننگز بھی پاکستان کو شکست سے نہ بچاسکی۔
پاکستان کی ابتدائی 2 وکٹیں صرف 10 رنز پر گریں جب عبدالبنگال زئی ایک اور معاز صداقت بغیر کوئی رن بنائے پویلین لوٹ گئے۔
قاسم اکرم 19 اور عرفان خان 13 رنز بنا کر پویلین لوٹ گئے۔
ACC U19 Asia Cup 2021
1st Semi Final – Pakistan U19 vs Sri Lanka U19Sri Lanka set Pakistan a target of 148 runs
🇱🇰 147 all out (44.5 ov)#PAKvSL | #U19AsiaCup | #PakistanFutureStars
📸: ACC pic.twitter.com/wFAvM26EEV— Pakistan Cricket Live (@TheRealPCB_Live) December 30, 2021
سری لنکا کی جانب سے تروین میتھیو نے چار کھلاڑیوں کو پویلین کی راہ دکھائی، ویلالگے نے تین کھلاڑیوں کو آؤٹ کیا۔
اس سے قبل سری لنکن انڈر 19 ٹیم نے پہلے بیٹنگ کرتے ہوئے 147 رنز پر آل آؤٹ ہوئی تھی، سری لنکا کے یاسرو اور پتھیرانا 31، 31 رنز کے ساتھ نمایاں رہے تھے۔
پاکستان کی جانب سے ذیشان ضمیر نے چار وکٹیں حاصل کی تھیں، احمد خان اور اویس علی نے دو، دو شکار کیے تھے۔
