واشنگٹن: ڈبلیو ڈبلیو کے اہم ایونٹ ریسل مینیا 36 میں ڈیڈ مین انڈر ٹیکر نے اے جے اسٹائلز کو زندہ دفن کردیا۔
تفصیلات کے مطابق ڈبلیو ڈبلیو ای ریسل مینیا کا انعقاد چند روز قبل ہوا جس میں انڈر ٹیکر اور اے جے اسٹائلز کے درمیان ہونے والا مقابلہ مداحوں کو مدتوں یاد رہے گا کیونکہ ڈیڈ مین کے نام سے مشہور انڈر ٹیکر نے اے جے اسٹائلز کو زندہ دفن کردیا۔
اے جے اسٹائلز نے انڈر ٹیکر کو چیلنج دیا تھا دونوں ریسلرز کا مقابلہ رنگ میں نہیں بلکہ رنگ سے باہر ہوا تھا جس میں ایک قبر بھی کھودی گئی تھی جو قبر میں گرا وہ ہار گیا۔
It was like watching a movie, not a wrestling match.
The American Bad Ass#WrestleMania #BoneyardMatch #Undertaker #ajstyles pic.twitter.com/eeu3aRORTC
— 칯뷰 (@fn1yFulrzG8vFDG) April 5, 2020
اے جے اسٹائلز کے ساتھ بھی ایسا ہی ہوا وہ انڈر ٹیکر کو ہرانے کی ہر ممکن کوشش کرتے رہے لیکن ڈیڈ مین کے ہاتھوں خود کو شکست سے نہ بچاسکےتاہم مقابلے کے بعد انڈر ٹیکر نے اے جے اسٹائلز کو گلے لگا کر ان کی عزم کو سراہا۔
واضح رہے کہ ریسل مینیا میں ہی بگ ڈوگ رومن رینز نے انڈر ٹیکر کو شکست دے کر انہیں ریٹائرمنٹ لینے پر مجبور کردیا تھا تاہم ڈبلیو ڈبلیو انتظامیہ کی جانب سے انڈر ٹیکر کی رنگ میں دوبارہ واپسی کرائی گئی تھی۔
انڈر ٹیکر اس سے قبل اپنے متعدد مقابلوں میں حریف ریسلرز کو تابوت میں بند کرکے شکست دے چکے ہیں لیکن اس منفرد مقابلے کو شائقین کی جانب سے خوب پسند کیا گیا اور مقابلے کی ویڈیو سوشل میڈیا پر وائرل ہورہی ہیں۔
کرونا وائرس کے سبب مختلف ممالک میں کھیلوں کے مقابلے ملتوی کیے جاچکے ہیں تاہم ریسلنگ کے مقابلے خالی میدان میں جاری ہیں اور مداح گھر بیٹھ کر ریسلنگ دیکھ رہے ہیں۔
