The news is by your side.

Advertisement

بھارت نے مقبوضہ کشمیر پرگہرا اور تاریک پردہ ڈال دیا ہے، امریکی ٹی وی

نیویارک : امریکی ٹی وی کا کہنا ہے کہ بھارت نے مقبوضہ کشمیرپرتاریک اورگہراپردہ ڈال دیا ہے اور پردے کے پیچھے کشمیری پیلٹ گنز اور پابندیوں کا مقابلہ کررہے ہیں. بھارت کے سب معمول پر ہے دعوے حقائق کے برعکس ہیں۔

تفصیلات کے مطابق امریکی ٹی وی سی این این نے مقبوضہ کشمیرکے بارے میں رپورٹ میں کہا ہے کہ بھارت نے مقبوضہ کشمیرپرتاریک اورگہراپردہ ڈال رکھا ہے، پردے کے پیچھے کشمیری پیلٹ گنزاورپابندیوں کا مقابلہ کررہے ہیں، پیلیٹ گنز سے سیکڑوں افراد زخمی ہوئے اور ہزاروں افراد کوگرفتارکیا گیا ہے۔

امریکی ٹی وی کا کہنا تھا کہ کشمیرکی خصوصی حیثیت ختم کرنےکےبعدردعمل کاخوف ہے اور اس خوف سےبھارت نےمقبوضہ کشمیرمیں ہزاروں فوجی تعینات کیے،

رپورٹ میں کہا گیا مقبوضہ وادی میں کمیونیکیشن بلیک آؤٹ،کرفیواورپابندیاں ہیں، سامنے آنے والے حقائق کشمیرمیں سب نارمل ہونے کے دعوؤں کے برعکس ہیں، بھارتی فورسزروزانہ آنسوگیس کا استعمال کررہی ہیں۔

یاد رہے چند روز قبل ہی امریکی جریدے نیوریارک ٹائمز نے مقبوضہ کشمیر پر اپنی رپورٹ میں کہا ہے کہ بھارتی فوجی کشمیر کی سڑکوں پر شہریوں کو پیلٹ گنز، آنسو گیس سے نشانہ بنارہے ہیں، بھارتی حکام کا اپنا دعویٰ ہے کہ 2 ہزار کشمیریوں کو حراست میں لیا ہے۔

مزید پڑھیں : امریکی جریدے نیویارک ٹائمز نے مقبوضہ کشمیر میں بھارتی مظالم کا پول کھول دیا

امریکی اخبار کا کہنا تھا کہ بھارتی حکام بتانے کو تیار نہیں ہیں کہ اتنی بڑی گرفتاریوں کی وجہ کیا ہے، بعض کشمیریوں کو ایئرفورس کے ذریعے لکھنو، آگرہ کی  جیل میں منتقل کیا گیا ہے، گرفتار کشمیریوں کو خفیہ طور پر بنارس جیل منتقل کی جانے کی بھی اطلاعات ہیں۔

نیویارک ٹائمز رپورٹ میں کہا گیا تھا کہ کشمیریوں کو جھکانا ہندو انتہا پسندوں کا پرانا خواب ہے، مقبوضہ کشمیر بھارت کی واحد مسلم اکثریت آبادی ہے ، کشمیریوں کی بھارت کے خلاف جدوجہد دیہائیوں سے جاری ہے۔

امریکی اخبار کی رپورٹ کے مطابق وادی میں ’کشمیر کا حل صرف بندوق‘ کے نعروں کی گونج ہے، کشمیر کی سرحد کے دونوں پار صورت حال خطرناک ہے۔

Comments

comments

یہ بھی پڑھیں