امریکا میں ایک اسٹیٹ ایجنٹ نے کلائنٹ کے گھر جا کر اخلاق سے گری ہوئی حرکت کی، بغیر اجازت فریج سے دودھ نکال کر پینا شروع کردیا، جس پر اسے بھارے جرمانے کا سامنا کرنا پڑا۔
گھر کے سی سی ٹی وی کیمرے پرایجنٹ کی اس حرکت کی ویڈیو ریکارڈ ہوگئی، رئیل اسٹیٹ ایجنٹ کو اپنے اس عمل کے لیے 15 ڈالرز کا جرمانہ بھرنا پڑے گا۔
مائیکل ممکنہ خریداروں یہ جائیداد دکھانے آیا تھا اور اپنے کلائنٹ کا انتظار کر رہا تھا، ایجنٹ کی مجرمانہ حرکت سی سی ٹی وی سے پوری طرح عیاں ہوگئی کہ وہ کس طرح کلائنٹ کے دودھ کے کارٹن میں تصرف کا مرتکب ہوا۔
مائیکل روز کو فوٹیج میں دیکھا جا سکتا ہے کہ وہ آیا اور سیدھا فریج میں رکھے دودھ کے کارٹن کی جانب بڑھ گیا، اس نے حفظان صحت کے اصولوں کا بھی خیال نہیں رکھا۔
گھر فروخت کرنے والے لائسکا فلرٹن نے واشنگٹن پوسٹ سے بات چیت کرتے ہوئے کہا کہ یہ ایک نہایت غیر پیشہ ورانہ حرکت تھی، اس کا ہر عمل ہماری نجی زندگی میں مداخلت کے مترادف تھا اور اس نے ایک طرح سے ہمارے گھر میں مداخلت کی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں