The news is by your side.

Advertisement

میکسیکو میں وعدے پورے نہ کرنے پر مقامی افراد نے میئر کو رسی سے باندھ دیا

میکسیکو سٹی: میکسیکو میں مقامی افراد نے میئر کو ناقص کارکردگی اور وعدے پورے نہ کرنے پر رسی سے باندھ دیا۔

غیرملکی خبررساں ادارے کے مطابق سلٹیپیک چیاپس کے میئر نے جب علاقے کا دورہ کیا تو اس دوران مقامی افراد نے ان پر غصہ اتارتے ہوئے انہیں رسی کے ذریعے دیوار کے ساتھ باندھ دیا۔

رپورٹ کے مطابق مقامی افراد کو علاقے کے میئر سے شکایات تھیں کہ انہوں نے عوامی فنڈز کا غیرقانونی استعمال کیا اور وہ امیدوں پر پورا نہیں اترسکے۔

احتجاج کرنے والے افراد نے کہا کہ وہ میئر کی ناقص کارکردگی سے تنگ آچکے تھے۔

احتجاجی مظاہرین کے مطابق میئر نے انتخابات کے دوران مہم میں وعدہ کیا تھا کہ وہ سڑکیں بچھائیں گے، انفرااسٹرکچر ٹھیک کریں گے اور دیگر ترقیاتی منصوبوں پر کام کریں گے لیکن یہ سب کرنے میں وہ ناکام ہوگئے ہیں۔

واضح رہے کہ اس سے قبل بھی ہیوکسٹن کے میئر کو مقامی افراد نے وعدے پورے نہ کرنے پر خواتین کے ملبوسات زیب تن کرواکر علاقے کے چکر لگوائے تھے۔

یاد رہے کہ رواں سال جنوری میں میکسیکو کی جنوبی ریاست وہاکا کے میئر ایلی ہاندرو اپاریسیو کو حلف اٹھانے کے محض دو گھنٹے بعد قتل کردیا گیا تھا۔

Comments

comments

یہ بھی پڑھیں