اسلام آباد: یونیسف نے خیبرپختونخوا اور سندھ کے سیلاب زدہ علاقوں کیلئے مڈوائفری،ایمرجنسی ہیلتھ کٹس اور مچھردانیوں کا عطیہ دے دیا۔
تفصیلات کے مطابق عالمی امدادی ادارہ یونیسف مشکل کی گھڑی میں پاکستان کے شانہ بشانہ کھڑا ہے۔
یونیسف کی سیلاب زدہ علاقوں میں پرائمری ہیلتھ کیئرسروسز کا سلسلہ جاری ہے ، ذرائع نے بتایا کہ یونیسف نے خیبرپختونخوا اور سندھ کیلئے مڈوائفری،ایمرجنسی ہیلتھ کٹس اور مچھردانیوں کا عطیہ دیا۔
ذرائع کا کہنا تھا کہ یونیسف نے کے پی اور سندھ حکومت کو 10ہزارمچھردانیاں اور 12ایمرجنسی ہیلتھ کٹس فراہم کی ہیں۔
وزارت صحت نے کہا کہ ایک انٹرجنسی ایمرجنسی ہیلتھ کٹ ایک ہزارافراداستعمال کر سکیں گے، انٹرجنسی ایمرجنسی ہیلتھ کٹ اہم ادویات اور طبی آلات پرمشتمل ہوتی ہے۔
ذرائع نے بتایا کہ یونیسف نے کےپی اور سندھ حکومت کو12مڈوائفری کٹس فراہم کر دیں، مڈوائفری کٹس سیلاب زدہ علاقوں میں ڈیلیوری کیسزمیں استعمال ہوں گی۔
ذرائع وزارت صحت نے کہا کہ ایک مڈوائفری کٹ سے100ڈیلیوری کیس ممکن ہوں گے۔
