کراچی: سپرہائی وے سے متصل گڈاپ میں جھاڑیوں سے انسانی اعضاء برآمد ہوئے جنہیں عباسی شہید اسپتال متقل کردیا گیا۔
ایس ایس پی راؤ انوار کی حدود میں واقعہ گڈاپ کے علاقے سے جھاڑیوں میں سے انسانی اعضاء کی برآمدگی کے بعد انہیں عباسی شہید اسپتال منتقل کردیا گیا، ایس ایس پی ملیر کہتے ہیں کہ انسانی اعضاء سپرہائی وے اسپتال کے قریب سے ملے۔انہوں نے کہا کہ انسانی اعضاء پر کیمیکل لگا ہوا ہے اور معاملے کی تحقیقات شروع کردی گئی ہے۔
ایڈیشنل پولیس سرجن کے مطابق انسانی اعضاء کے نموے لے کر انہیں عباسی شہید اسپتال منتقل کردیاگیا، بظاہر یہ دو مختلف مردوں کے اعضاء ہیں تاہم حتمی بات رپورٹ آنے کے بعد ہی کی جاسکتی ہے۔
ریسکیو ذرائع کے مطابق سپرہائی وے اسپتال کے قریب انسانی اعضاء کی موجودگی کی اطلاع کے بعد ریسکیو ٹیمیں روانہ کی گئیں اور وہاں پہنچ کر پولیس کو اطلاع دی گئی، پولیس نفری آنے کے بعد برآمد ہونے والے اعضاء کو عباسی شہید اسپتال منتقل کیا گیا۔
پڑھیں: ’’ کراچی میں 750 لاوارث لاشوں کی موجودگی کا انکشاف ‘‘
اے آر وائی نیوز کی ڈیجیٹل ڈیسک کی جانب سے شائع کی گئی خبریں