The news is by your side.

Advertisement

نامعلوم شخص وزیر اعظم آزاد کشمیر کے کمرے تک پہنچ گیا

مظفرآباد: وزیر اعظم آزاد کشمیر ہاؤس کی سیکیورٹی میں سنگین کوتاہی کا معاملہ سامنے آیا ہے، ایک نامعلوم شخص وزیر اعظم کے کمرے تک بلا روک ٹوک پہنچ گیا۔

تفصیلات کے مطابق وزیر اعظم آزاد کشمیر ہاؤس کی سیکیورٹی میں کوتاہی کے باعث ایک نامعلوم شخص وزیر اعظم آزاد کشمیر کے کمرے تک پہنچ گیا، یہ واقعہ جمعہ اور ہفتے کی درمیانی شب پیش آیا۔

وزیر اعظم سردار تنویر الیاس کے بروقت ہوشیار ہو جانے پر نامعلوم شخص فرار ہونے میں کامیاب ہو گیا، وزیر اعظم آزاد کشمیر کے ترجمان ڈاکٹر عرفان نے واقعے کی تصدیق کر دی ہے۔

واقعے پر وزیر اعظم نے اپنے پرنسپل سیکریٹری سمیت 2 ڈی آئی جیز کو معطل کر دیا ہے، ترجمان ڈاکٹر عرفان نے بتایا کہ وزیر اعظم کا تمام سیکیورٹی اسٹاف تبدیل کر دیا گیا ہے۔

ڈاکٹر عرفان کے مطابق واقعے کی اعلیٰ سطح کی تحقیقات کا فیصلہ کیا گیا ہے، وزیر اعظم ہاؤس سیکیورٹی لیپس میں کوئی اندر کا آدمی ملوث ہو سکتا ہے۔

ترجمان کا کہنا تھا کہ وزیر اعظم آزاد کشمیر کو پہلے سے بھی سیکیورٹی خطرات کا سامنا ہے۔

Comments

یہ بھی پڑھیں