The news is by your side.

Advertisement

تمام صوبوں کوگیس کی بلاتعطل فراہمی یقینی بنائی گئی ہے‘ وزیر پیٹرولیم

اسلام آباد: وفاقی وزیرپیٹرولیم شاہد خاقان عباسی کا کہناہےکہ سندھ سمیت تمام صوبوں کوگیس کی بلاتعطل فراہمی یقینی بنائی گئی ہے۔

تفصیلات کےمطابق وفاقی وزیربرائے پیٹرولیم اور قدرتی وسائل کے وزیرشاہد خاقان عباسی نےکہاہےکہ وفاقی حکومت نےسندھ کےوزیراعلیٰ سیدمرادعلی شاہ کو صوبے کوگیس کی فراہمی سے متعلق آگاہ کردیاہے۔

وزیر پیٹرولیم شاہدخاقان عباسی نے کہاکہ ان کی وزارت نے آئل اینڈ گیس ریگولیٹری اتھارٹی کےمسائل بھی تسلی بخش طریقے سے حل کیے ہیں۔

شاہد خاقان عباسی کا کہناتھاکہ حکومت نے تمام صوبوں کوگیس کی بلاتعطل فراہمی یقینی بنانے کاعزم کررکھا ہے۔


گیس کی فراہمی پر یک طرفہ پابندی کوفوری ختم کیا جائے‘ وزیراعلیٰ سندھ


یاد رہےکہ گزشتہ روز وزیراعلیٰ سندھ سیدمرادعلی شاہ نے وزیراعظم میاں محمدنوازشریف کوخط لکھا تھاجس میں انہوں نےکہاتھاکہ میڈیارپورٹس کےمطابق وفاق نے97گیس منصوبےپنجاب میں شروع کیے۔

مرادعلی شاہ کا کہناتھاکہ ایس ایس جی سی دیہی ،شہری علاقوں میں گیس دینےسے انکاری ہے۔ایس ایس جی سی کاموقف ہےپابندی وفاق نےلگائی ہے۔

وزیراعلیٰ سندھ نےکہاتھاکہ پابندی ہےتوپنجاب میں کس طرح گیس دی جارہی ہے۔ان کاکہناتھاکہ گیس پیدا کرنے والے صوبے کو نظر انداز کیا جارہا ہے جبکہ سیاسی بنیادپر گیس کی فراہمی سے مسائل بڑھ رہےہیں۔

واضح رہےکہ سید مرادعلی شاہ کاکہناتھاکہ گیس کی فراہمی پر یک طرفہ پابندی کوفوری ختم کیا جائےاور ڈومیسٹک،انڈسٹریل،کمرشل سیکٹر کوفوری گیس فراہم کی جائے۔

Print Friendly, PDF & Email

Comments

comments

یہ بھی پڑھیں