دنیا کی انوکھی ترین موٹرسائیکل پاکستان میں -
The news is by your side.

Advertisement

دنیا کی انوکھی ترین موٹرسائیکل پاکستان میں

کراچی: شہرِ قائد کے رہائشی نے اپنی عام سے موٹرسائیکل کو جدید ٹیکنالوجی کے دلچسپ اور عجیب وغریب شاہکار میں تبدیل کردیا، جسے دیکھنے والا دیکھتا کا دیکھتا رہ جاتا ہے۔

یہ نایاب موٹرسائیکل بظاہر تو پاکستان کے ایک مقبول برانڈ کی تیار کردہ ہے لیکن اس میں نصب جدید ٹیکنالوجی اس کو لاکھوں میں ایک بنا دیتی ہے۔

آئی پیڈ، موبائل فون، وائرلیس سیٹ اور منفرد ٹرک آرٹ سے مزین یہ موٹر سائیکل لاکھوں میں ایک ہے۔ دلہن کی طرح سجی اور جدید ٹیلی کمیونیکیشن ٹیکنالوجی سے لیز یہ موٹر سائیکل جب کراچی کی گلی کوچوں اور سڑکوں پر نکلتی ہے تو ہرخاص و عام کہ توجہ کا مرکز بن جاتی ہے۔

bike-post-1

ملتان سے تعلق رکھنے والے اس خوبصورت سواری کے سواررحیم بخش ڈیفنس میں رہائش پذیرخاندان کے ہاں ڈرائیورکی ملازمت کرتا ہے مگر اس کا شوق کسی امیر کبیر شخص والا ہے۔

رحیم بخش کا کہنا ہے کہ وہ پچھلے چھے سالوں سے یہ موٹرسائیکل استعمال کررہا ہے اور وہ اپنی سواری کو سجانے کا کوئی بھی نیا آئیڈیا ہاتھ سے جانے نہیں دیتا۔

bike-post-2

ان کا مزید کہنا ہے کہ وہ اپنی موٹرسائیکل پربیٹھے کسی بھی وقت انٹرنیٹ کا استعمال کرسکتا ہے اور وائرلیس سیٹ سمیت مختلف ماڈل کے کئی موبائل فون سے ہمہ وقت اپنے چاہنے والوں سے رابطے مین رہتا ہے۔

جی ہاں انسان اگر شوق رکھے تو وہ اسے کسی بھی قیمت پر پورا کرنے کو تیار ہوتا جاتا ہے اور یہی شوق رحیم بخش کو ایک معمولی سے موٹر سائیکل پر اتنے مہنگے آلات نصب کرنے پر آمادہ کرگیا۔

Comments

comments

یہ بھی پڑھیں