The news is by your side.

Advertisement

محکمہ خصوصی تعلیم کا منفرد اقدام

لاہور: محکمہ خصوصی تعلیم پنجاب اب ‘خصوصی تعلیم’ کے بارے میں آگاہی پھیلانے کے لیے بسوں کا استعمال کرے گا، اس حوالے سے تصاویر بھی جاری کردی گئیں۔

تفصیلات کے مطابق پنجاب میں خصوصی بچوں کے لیے بسوں پر محکمہ کے اقدامات کی تشہیر کے لیے ڈیزائن تیار کیے گئے ہیں۔ بسوں پر خصوصی طور پر ہیلپ لائن نمبر آویزاں ہیں۔

گزشتہ برس خصوصی بچوں کے لیے 52 بسیں خریدی گئیں تھی۔ بچوں کی نگرانی اور حفاظت کو مد نظر رکھتے ہوئے بسوں میں سی سی ٹی وی کیمرے بھی نسب کے گئے ہیں، بسوں کو مختلف رنگوں میں ڈیزائن کیا گیا ہے۔

محکمہ خصوصی تعلیم اپنے اداروں میں داخلوں کے تناسب کو دوگنا کرنے کے ہدف کے ساتھ کام کر رہا ہے۔

وزیر خصوصی تعلیم پنجاب چوہدری اخلاق کا کہنا ہے کہ گزشتہ دور حکومت میں خصوصی تعلیم پر توجہ کا فقدان رہا، خصوصی بچوں کی بسوں پر محکمہ کی تشہیر کے لیے مختلف پیغامات لکھے جائیں گے۔

انہوں نے کہا کہ پنجاب میں خصوصی بچوں کی تعلیم و تربیت پر کوئی سمجھوتہ نہیں کیا جائے گا۔

Comments

یہ بھی پڑھیں