The news is by your side.

Advertisement

کرونا بحران کے دوران سمندری لہروں سے لطف اندوز ہونے کا منفرد منصوبہ

روم : اطالوی کمپنی نے کرونا وائرس سے بچتے ہوئے سمندر کی لہروں سے لطف اندوز ہونے کےلیے منفرد منصوبہ متعارف کرا دیا۔

غیر ملکی خبر رساں ادارے کی رپورٹ کے مطابق اٹلی ان ممالک میں ایک ہے جہاں کرونا وائرس کی جان لیوا وبا سے بدترین تباہی مچائی ہے، ایسے حالات میں وائرس تیزی سے پھیل رہا ہو ساحل پر تفریح کی غرض سے جانا انتہائی خطرناک ہوسکتا ہے۔

اطالوی کمپنی نے عالمی ادارہ صحت اور حکومت کی احتیاطی تدابیر کو مدنظر رکھتے ہوئے ساحل سمندر پر لہروں سے لطف اندوز ہونے کا منفرد منصوبہ پیش کیا ہے۔

اطالوی کمپنی نیووا نیون نے شفاف پکسل گلاس کیوبیکل کا انوکھا ڈیزائن متعارف کرایا ہے جس کا مقصد سماجی فاصلے کو برقرار رکھنا ہے۔

کمپنی کا کہنا ہے کہ یہ بڑے سائز کے باکس ہیں جس کے ذریعے لوگ ایک دوسرے سے محفوظ رہ سکتے ہیں، ان باکسز کی اونچائی 2 میٹر اور چوڑائی 4.5 میٹر ہے جبکہ اوپر اییک چھتری بھی نصب ہوسکتی ہے۔

غیر ملکی خبر رساں ادارے کا کہنا ہے کہ اطالوی کمپنی نے ابھی صرف اس کا تصور پیش کیا ہے اور یہ منصوبہ ابھی ڈیزائن کے مرحلے میں ہیں، اس کے باوجود انہیں کئی آرڈر مل چکے ہیں۔

کمپنی کا کہنا ہے کہ انہیں عام پکسل گلاس سے نہیں بنایا گیا ہے بلکہ یہ الٹراوائلٹ شعاعوں کو بھی روک سکتے ہیں۔

fb-share-icon0
Tweet 20

Comments

comments

یہ بھی پڑھیں