The news is by your side.

Advertisement

پاکستان اور سعودی عرب گرین معاہدے کی انوکھے انداز میں شروعات

اسلام آباد: معاون خصوصی ملک امین اسلم پاکستان کا پرچم تھامےسعودی عرب کے سمندر میں اتر گئے اور بحیرہ عرب کے گہرے پانی میں آدھا گھنٹہ تک غوطہ خوری کی۔

تفصیلات کے مطابق پاکستان اورسعودی عرب گرین معاہدے کی انوکھے انداز میں شروعات ہوگئی ، معاون خصوصی ملک امین اسلم پرچم تھامےسعودی عرب کے سمندر میں اتر گئے۔

معاون خصوصی ملک امین اسلم اور سعودی شہری نے دونوں ممالک کے پرچم لہرا دئیے، ملک امین اسلم نےپرچم تھامےبحیرہ عرب کےگہرے پانی میں آدھا گھنٹہ تک غوطہ خوری کی۔

غوطہ خوری کامقصد دونوں ممالک سمندری آلودگی کےخاتمے،آبی حیات کےتحفظ میں مل کر کام کریں گے۔

املک امین اسلم نے سعودی حکومت کی خصوصی دعوت پر سعودی عرب کادورہ کیا اور نئےدرخت لگانے،فضائی اورسمندری آلودگی کے خلاف جنگ میں پاکستان اور سعودیہ پارٹنر بن گئے۔

یاد رہے 9 فروری کو وزیر اعظم عمران خان اور سعودی ولی عہد محمد بن سلمان کے مشن گرین مڈل ایسٹ کے تحت پاکستان اور سعودی عرب کے درمیان گرین ایم او یو پر دستخط ہوئے تھے۔

پاکستان مشرق وسطیٰ کے ممالک کے ساتھ ہر طرح کے پودے لگانے میں معاونت کرے گا، سعودی عرب شجر کاری کے لیے پاکستانی لیبر کو لاکھوں نوکریں دے گا، جب کہ پاکستان شجرکاری کے لیے سعودی عرب کو تیکنیکی امداد بھی فراہم کرے گا۔

Comments

یہ بھی پڑھیں