کویت سٹی : رینٹ اے کار ایجنسی سے قیمتی گاڑی چوری ہونے کی ویڈیو سوشل میڈیا پر وائرل ہوگئی، مالک نے کار چور لڑکی کو گرفتار کرانے پر انعام کا اعلان کردیا۔
غیر ملکی خبر رساں ادارے کی رپورٹ کے مطابق خلیجی ریاست کویت میں چوری کی دلچسپ واردات پیش آئی جس میں ایک خوبرو لڑکی رینٹ اے کار ایجنسی سے بیش قیمت گاڑی لے اڑی۔
گاڑی چوری کی واردات کو سی سی ٹی وی کیمروں میں محفوظ ہوگئی جو سوشل میڈیا پر وائرل ہوچکی ہے جس کے بعد ایجنسی مالک نے اعلان کیا ہے کہ جو بھی مذکورہ لڑکی کو پکڑوانے میں مدد کرے گا اسے انعام سے نوازا جائے گا۔
وائرل ویڈیو میں دیکھا جاسکتا ہے کہ سیاہ عبایا زیب تن کیے ایک لڑکی پارکنگ ایریا میں داخل ہوئی اور اطمینان کرنے کے بعد کہ کوئی گارڈ اسے دیکھ تو نہیں رہا متعدد گاڑیاں کھولنے کی کوشش کی اور چند لمحوں بعد ایک گاڑی کھولنے میں کامیاب ہوگئی۔
تمت سرقه جيب لكزس 2014
ابيض فجر اليوم 2/3/2020
من مكتب بأسواق القرين
يحمل رقم 12/42451
الرجاء ممن يعثر عليه الإتصال بأقرب مخفر
او الاتصال علي الرقم / 56699444 pic.twitter.com/tX1tn0o4eK— سلطان السبيعي (@alsbee3ii) March 2, 2020
رینٹ اے کار مالک نے اعلان کیا ہے کہ کار چور لڑکی کو گرفتار کروانے والے شخص کو 2 ہزار کویتی دینار (تقریبا 10 لاکھ 780 روپے پاکستانی) انعام دیا جائے گا۔
