ابوظبی: مسقتبل کی تیاری کے حوالے سے متحدہ عرب امارات نے اہم سنگ میل حاصل کرلیا ہے۔
میڈیا رپورٹ کے مطابق متحدہ عرب امارات کو مسقتبل کی تیاری کے حوالے سے بہترین عرب ملک قرار دے دیا گیا ہے، گوگل کی شراکت کے ساتھ شائع ہونے والی ایک انٹرنیشنل رپورٹ میں متحدہ عرب امارات کو مستقبل کے حوالے سے تیار ممالک کی فہرست میں شامل کیا گیا۔
رپورٹ کے مطابق مستقبل کے حوالے سے تیار عرب ممالک میں یو اے ای پہلے نمبر پر جبکہ ترقی پزیر ستائیس ممالک میں تیسرے نمبر پر ہے۔
پورٹولنز انسٹی ٹیوٹ کی جانب سے جاری کئے گئے فیوچر ریزیڈنس انڈیکس میں 123 ممالک میں سے یو اے ای 23ویں نمبر پر ہے، انڈیکس میں مستقبل کے حوالے سے ضروری ذیلی ستونوں کے علاوہ چار بنیادی ستون جیسا کہ انسٹی ٹیوشنز اینڈ انفرااسٹرکچر ، ٹیکنالوجی، ٹیلنٹ اور انوویشن کی پیمائش کی جاتی ہے۔
یہ بھی پڑھیں: متحدہ عرب امارات جانے والے پاکستانیوں کیلئے بڑی سہولت کا اعلان
رپورٹ کے مطابق یو اے ای کو اسکلز مانیٹرنگ اور جدید ٹیکنالوجی کے استعمال سے دنیا بھر میں تیسرا نمبر ملا ہے جبکہ ٹیلنٹ کو اپنے ملک میں لانے میں چوتھا اور ٹیلنٹ کے فروغ دینے میں چھٹا نمبر دیا گیا، اس رپورٹ کے نتائج کا اعلان کنکورڈیا کے سالانہ اجلاس کے 11ویں ایڈیشن کے ایک ورچوئل سیشن کے دوران کیا گیا۔
