The news is by your side.

عمران خان پر قاتلانہ حملہ، یو این کے صدر کی مذمت

عمران خان پر قاتلانہ حملے کی یو این کے صدر  نے شدید مذمت کرتے ہوئے ان کی جلد صحت کی دعا کی ہے۔

اقوام متحدہ جنرل اسمبلی کے صدر وولکن بوز نے عمران خان پر قاتلانہ حملے کی ٹوئٹر پر مذمت کی ہے، ساتھ ہی انہوں نے سابق وزیر اعظم کے ساتھ اپنی تصویر بھی شئیر کی ہے۔

ٹوئٹ میں انہوں نے لکھا کہ عمران خان پرحملےکی مذمت کرتے ہیں، عمران خان کی جلد صحتیابی کیلئے دعا گو ہیں۔

اس کے علاوہ امریکا، برطانیہ، کینیڈا، سعودی عرب، او آئی سی نے شدید مذمت کرتے ہوئے حکومت پاکستان سے جامع تحقیقات کا مطالبہ کیا ہے۔

عمران خان پر قاتلانہ حملہ، امریکا، برطانیہ، کینیڈا، سعودی عرب، او آئی سی کی مذمت

برطانوی وزیر خارجہ جیمز کلیورلی نے عمران خان پر حملے کی مذمت کرتے ہوئے اس کو انتہائی تشویشناک قرار دیا ہے اور کہا ہے کہ سیاست میں تشدد کی کوئی گنجائش نہیں ہے۔

کینیڈا کے وزیراعظم جسٹن ٹروڈو نے بھی عمران خان پر قاتلانہ حملے کی مذمت کرتے ہوئے حملے کو ناقابل قبول قرار دیا ہے۔

عمران خان آپریشن کے بعد اسپتال کے کمرے میں منتقل

سعودی عرب نے بھی عمران خان پر قاتلانہ حملے کی شدید مذمت کرتے کی ہے، سعودی وزارت خارجہ کی جانب سے جاری بیان میں کہا گیا ہے کہ ہر مشکل گھڑی میں پاکستانی بھائیوں کے ساتھ کھڑے ہیں، سعودی عرب پاکستانی عوام کی سلامتی، خوشحالی کے خواہاں ہیں۔

اوی آئی سی نے بھی عمران خان پر قاتلانہ حملے کی شدید مذمت کی ہے، اسلامی تعاون تنظیم کے چیئرمین کی جانب سے جاری بیان میں کہا گیا ہے کہ سابق وزیراعظم پاکستان پر قاتلانہ حملے کی شدید مذمت کرتے ہیں، تشدد، انتہا پسندی، دہشت گردی کی چاہے کوئی بھی شکل ہو قابل مذمت ہے۔

Comments

یہ بھی پڑھیں