The news is by your side.

Advertisement

امریکا نے پاکستان کو مزید 45 وینٹی لیٹرز عطیہ کردیئے

لاہور : امریکی حکومت کی جانب سے پاکستان کو مزید 46 وینٹی لیٹرز عطیہ کردیے گئے ، ڈاکٹریاسمین راشد نے محکمہ صحت پنجاب کو وینٹی لیٹرزعطیہ کرنے پر امریکی حکومت اور عوام کا شکریہ ادا کیا۔

تفصیلات کے مطابق یو ایس ایڈ کی جانب سے محکمہ صحت پنجاب کو 46وینٹی لیٹرزعطیہ کردیئے گئے، اس موقع پر وزیر صحت پنجاب ڈاکٹریاسمین راشد نے کہا کہ محکمہ صحت پنجاب کو46 وینٹی لیٹرزعطیہ کرنے پر امریکی حکومت اور عوام کا شکریہ اداکرتے ہیں، کوروناوائرس کی وباء نے پوری دنیاکواپنی لپیٹ میں لے لیا ہے۔

ڈاکٹر یاسمین راشد کا کہنا تھا کہ اللہ تعالیٰ کی مہربانی سے کوروناوائرس نے دوسرے ممالک کی نسبت پاکستان کو بہت کم متاثرکیاہے، پاکستانی ڈاکٹر،نرسزاور پیرامیڈیکل سٹاف نے انتہائی جانفشانی سے کوروناء وائرس کا مقابلہ کیا ہے

صوبائی وزیر نے کہا کہ 11جون کو پنجاب میں کوروناوائرس کے بہت زیادہ مریض تشویشناک حالت میں سرکاری ہسپتالوں میں زیرعلاج تھے، یوایس ایڈ کی جانب سے ملنے والے 46وینٹی لیٹرز بہت مددگارثابت ہوں گے۔

ان کا مزید کہنا تھا کہ پاکستانی عوام کی جانب سے امریکی عوام کے خلوص کا شکریہ اداکرتے ہیں، عطیہ میں ملنے والے وینٹی لیٹرز پنجاب کے مختلف سرکاری ہسپتالوں میں تقسیم کئے جائیں گے، خدمت انسانیت کیلئے پاکستان اور امریکہ کی کامیاب دوستی کا سفرجاری رہے گا۔

امریکی قونصل جنرل کیتھرین روڈ ریگویز نے کہا کہ ڈاکٹریاسمین راشدکوکوروناوائرس کے دوران ہمیشہ فرنٹ لائن پر قیادت کرتے دیکھا، کوروناوائرس کامقابلہ کرنے کیلئے بہترین حکمت عملی بنانے پرپاکستان کی کاوش کوسراہتے ہیں، امریکہ پاکستانی عوام کی مددجاری رکھے گا۔

کیتھرین روڈریگویز کا مزید کہنا تھا کہ صوبائی وزیر صحت ڈاکٹریاسمین راشدکو کوروناوائرس کے دوران بہترین خدمات پر خراج تحسین پیش کرتے ہیں۔

Comments

یہ بھی پڑھیں