site
stats
پاکستان

فیصل آباد : یونیورسٹی ٹاؤن سے لاپتہ ہونیوالے بچے کا سراغ مل گیا

فیصل آباد : یونیورسٹی ٹاؤن سے لاپتہ ہونے والے بچے کا سراغ مل گیا، بچہ امتحانات میں ناکامی کے ڈر سے گھر سے فرار ہوگیا تھا۔

تفصیلات کے مطابق فیصل آباد کے یونیورسٹی ٹاؤن سے لاپتہ ہونے والا ساتویں جماعت کا تیرہ سالہ طالب علم ابراہیم نجی ہسپتال سے مل گیا۔

یونیورسٹی ٹاؤن کے رہائشی سافٹ ویئر انجینئر محمد مشتاق کا تیرہ سالہ بیٹا ساتویں جماعت کا طالب علم ابراہیم عبدالعزیز پیر کی صبح سات بجے گھر سے نکلا اور واپس نہ آیا۔

اسی حوالے سے : یونیورسٹی ٹاؤن سے لاپتہ بچے کا سراغ نہ مل سکا، سی پی او کی اہل خانہ سے ملاقات

 

لواحقین نے تھانہ ملت ٹاؤن میں ابراہیم کے اغواء کا مقدمہ درج کروا دیا تھا۔ منگل کی رات گلستان کالونی میں واقع نجی ہسپتال کے عملے نے ابراہیم کو مشکوک حالت میں دیکھ کر اسے پولیس کے حوالے کیا تو حقائق سامنے آ گئے۔

ابراہیم نے پولیس کو بتایا کہ وہ امتحانات کے ڈر سے گھر سے بھاگ کر ہسپتال میں چھپا رہا ۔ پولیس نے ابراہیم کو لواحقین کے حوالے کر دیا ہے۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top