The news is by your side.

Advertisement

جامعہ کراچی ایوننگ پروگرام کے طلبا و طالبات کے لیے بڑا اعلان

کراچی : جامعہ کراچی میں ایوننگ پروگرام کے طلباوطالبات کے لیے لیٹ فیس میں 50 فیصدکمی کردی گئی، طلباوطالبات 15 جنوری تک لیٹ فیس جمع کراسکیں گے۔

تفصیلات کے مطابق جامعہ کراچی کے ڈائریکٹر ایوننگ پروگرام پروفیسر ڈاکٹر نبیل احمدزبیری کا کہنا ہے کہ شیخ الجامعہ پروفیسر ڈاکٹر خالدمحمود نے ایوننگ پروگرام کی لیٹ فیس میں 50 فیصد کمی کی منظوری دے دی۔

جس کے بعد ایوننگ پروگرام کے ایسے طلباوطالبات جنہوں نے تاحال اپنی فیس جمع نہیں کرائی ، وہ لیٹ فیس 50 فیصد کمی کے ساتھ 15 جنوری تک جمع کراسکتے ہیں ، اس کے بعد کسی بھی قسم کی توسیع نہیں کی جائے گی۔

یاد رہے نئے تعلیمی سال کے موقع پر جامعہ کراچی میں مشیر امور طلبہ ڈاکٹر سید عاصم علی نے ایک ضابطہ اخلاق جاری کیا تھا ، اس ضابطہ اخلاق میں طلبہ کو ہدایت کی گئی تھی کہ اسلام، نظریہ پاکستان اور ملکی وقومی سالمیت کی معروف تعبیر کے مطابق ان کے خلاف کوئی سرگرمی ،کوئی نعرہ برداشت نہیں کیا جائے گا۔

ضابطہ اخلاق میں کہا گیا تھا کہ جامعہ میں تعلیم کے معیار کی بہتری ،تعلیمی مواقع کی ترقی اور تعلیمی مسائل کے حل کو مقدم رکھا جائے اور جامعہ کے انتظامی امور میں مداخلت ممنوع ہے۔

ڈاکٹر سید عاصم علی کا کہنا تھا کہ جامعہ کے تقدس کا احترام سب پر لازم ہے کلاس کے اندر اورباہر ایسی تمام سرگرمیوں سے اجتناب کیا جائے جو اس کے تقدس کو پامال کریں۔

fb-share-icon0
Tweet 20

Comments

comments

یہ بھی پڑھیں