site
stats
سندھ

آئیڈیاز 2016: یونی ورسٹی روڈ کی تزئین و آرائش کا کام شروع

کراچی: شہر ِ قائد میں سوک سینٹر سے نیپا چورنگی تک سالوں سے ٹوٹ پھوٹ کا شکار سڑک کی تعمیرکا کام شروع کردیا گیا ہے‘ ایکسپو سینٹر اور سوک سینٹر کے اطراف وال چاکنگ مٹانے اور سڑکوں کی استرکاری کا کام شروع کردیا گیا ہے۔

تفصیلات کے مطابق دفاعی نمائش 2016 جس کا آغاز 22سے 25نومبر سے ہورہا ہے۔ نمائش کے لئے ابھی سے تیاریاں زور و شور سے شروع کردی گئی ہیں ‘ جن میں ایکسپو سنٹر کے اطراف کی سڑکوں کی استرکاری بھی شامل ہے۔

university-road-post-1

ذرائع کے مطابق سوک سینٹر اور نیپا چورنگی تک روڈ کی کارپیٹنگ کا کام بھی شروع کردیا گیا ہے یہی نہیں درختوں کی چھٹائی اور وال چاکنگ کے مٹانے سمیت دیگر امور پر بھی کام جاری ہے۔

یاد رہے کئی سالوں سے گلشن ٹاؤن‘ گلستان جوہر‘ صفورا چورنگی ودیگر اطراف جانے والی عوام سوک سینٹر اور یونیورسٹی روڈ کے ٹوٹ پھوٹ کا شکار ہونے کے باعث منٹوں کا سفر گھنٹوں میں طے کرنے پر مجبور ہے۔

university-road-post-2

ا س سلسلے میں سول سوسائٹی ‘ سیاسی او رمذہبی تنظیموں کی جانب سے کئی بارروڈ کی تعمیر کے لئے مطالبے کیے گئے تھے اور اب بالاخر اس روڈ کی مرمت کا کام شروع ہوگیا ہے۔

اب دیکھنا یہ ہے کہ یہ استرکاری صرف ایکسپو سینٹر اور سوک سینٹر کے اطراف ہی کی جائے گی یا پورے یونیورسٹی روڈ کی کارپیٹنگ کرکے عوام کو اذیت سے نجات دلائی جائے گی۔

یاد رہے کہ سندھ حکومت کی جانب سے ہر سال بجٹ میں متعلقہ روڈ کی تعمیر کے لئے رقم مختص کی جاتی ہے مگر یونیورسٹی روڈ کی تعمیر تو درکنارآج تک اس کی مرمت بھی مکمل طریقے سے نہیں کی گئی۔

واضح رہے کہ گزشتہ روزٹریفک پولیس کی جانب سے چار روزہ ٹریفک پلان ترتیب دیا گیا ہے‘نمائش کے ایام میں حسن اسکوائر اور اطراف کی سڑکیں مکمل بند رہیں گی اور راستے پر سفر کرنے والوں کو متبادل راستے اختیار کرنے ہوں گے۔

university-road-post-4

آئیڈیا ز ایک انتہائی اہم نمائش ہے جس میں پاکستان کی اسلحہ انڈسٹری تک دنیا کو رسائی دی جاتی ہے اس موقع پر دوست ممالک کی کئی اہم شخصیات کراچی ایکسپو سنٹر کا دورہ کرتی ہیں‘ یہ نمائش پاکستان کی معیشت میں بھی اہم کردار ادا کرتی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top