امریکی خلائی جہاز خفیہ مشن کے بعد زمین پر لوٹ آیا -
The news is by your side.

Advertisement

امریکی خلائی جہاز خفیہ مشن کے بعد زمین پر لوٹ آیا

واشنگٹن: امریکہ کا خفیہ فوجی خلائی جہاز 2 سال بعد زمین پر واپس آ گیا۔ خلائی جہاز 2 سال تک کس مشن پر رہا کوئی کچھ نہیں جانتا، امریکی فضائیہ نے تفصیلات بتانے سے انکار کردیا۔

امریکا کا فوجی خلائی طیارہ ایکس ۔ 37 بی خفیہ مشن مکمل کرنے کے بعد زمین پر بحفاظت لینڈ کر گیا۔

سنہ 2015 میں 4 مئی کو خفیہ مشن پر جانے والے طیارے نے زمین کے مدار سے اوپر 700 سے زائد دن گزارے۔

اس پروگرام کو امریکی خلائی ادارے ناسا نے 18 سال قبل شروع کیا تھا تاہم کچھ عرصے بعد یہ طیارہ مکمل طور پر امریکی فوجی ادارے پینٹاگون کے حوالے کر دیا گیا۔

مزید پڑھیں: خلا میں جانے والوں کی غاروں میں تربیت

خیال کیا جا رہا ہے کہ بغیر پائلٹ اس جہاز نے زمین کے مدار سے باہر کئی خفیہ تجربات کیے۔

امریکی فضائی کا کہنا ہے کہ اس جہاز نے خلا میں دیگر خلائی جہازوں کو لاحق خطرات کم سے کم کرنے کے حوالے سے تجربات کیے، تاہم انہوں نے اس کی مزید تفصیل بتانے سے گریز کیا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں