The news is by your side.

Advertisement

اقوام متحدہ کی پاکستان اسٹاک ایکسچینج پر دہشت گردانہ حملے کی شدید مذمت

نیویارک : اقوام متحدہ کے سیکریٹری جنرل انٹونیو گوتریس نے پاکستان کے سب سے بڑے شہر کراچی میں پاکستان اسٹاک ایکسچینج پر ہونے والے دہشت گردانہ حملے کی سخت الفاظ میں مذمت کی ہے۔

تفصیلات کے مطابق سیکریٹری جنرل انٹونیو گوتریس کے ترجمان اسٹیفن دوجارک نے ایک بیان میں کہا کہ اقوام متحدہ کے
سیکریٹری جنرل نے شہداء کے خاندان سے تعزیت کا اظہار کیا ہے۔

انہوں نے دہشت گردی اور پرتشدد انتہا پسندی سے نمٹنے میں پاکستانی حکومت اور وہاں کے عوام کے ساتھ اقوام متحدہ کے اتحاد کا اظہار کیا۔

واضح رہے کہ چار دہشت گردوں کے ایک گروپ نے پیر کی صبح کراچی میں پی ایس ایکس کے احاطے پر حملہ کیا جس میں ایک پولیس افسر اور تین سیکورٹی گارڈ شہید ہو گئے.

حملے میں سکیورٹی اہلکاروں سمیت کم از کم سات افراد زخمی بھی ہوئے۔ پولیس کی جوابی کارروائی میں چاروں دہشت گرد بھی مارے گئے۔

مزید پڑھیں : اسٹاک ایکسچینج حملے کا مقدمہ درج، بی ڈی ایس رپورٹ تیار

واضح رہے کہ پاکستان اسٹاک ایکس چینج حملے کا مقدمہ ایس ایچ او میٹھادر کی مدعیت میں درج کر لیا گیا ہے، حملے کا مقدمہ کاؤنٹر ٹیرر ازم ڈیپارٹمنٹ سول لائنز میں درج کرایا گیا حملے میں چاروں حملہ آور مارے گئے تھے۔

مقدمے میں دہشت گردی، قتل، اقدام قتل، پولیس مقابلے، ایکسپلوزیو ایکٹ اور سندھ آرمرز ایکٹ سمیت دیگر دفعات شامل کی گئی ہیں۔

Comments

یہ بھی پڑھیں