The news is by your side.

Advertisement

اقوام متحدہ جنرل اسمبلی کی صدر ماریہ ایسپی نوزا جمعہ کو پاکستان پہنچیں گی

اسلام آباد : اقوام متحدہ جنرل اسمبلی کی صدر ماریہ ایسپی نوزا 18جنوری کو پاکستان پہنچیں گی، نو منتخب صدر کا عہدہ سنبھالنے کے بعد کسی ایشیائی ملک کا یہ پہلادورہ ہے۔

تفصیلات کے مطابق اقوام متحدہ جنرل اسمبلی کی نومنتخب صدر ماریہ ایسپی نوزا 18جنوری کو پاکستان پہنچیں گی، صدر جنرل اسمبلی22 جنوری تک پاکستان میں قیام کریں گی۔

اپنے پانچ روزہ دورے میں صدر جنرل اسمبلی وزیراعظم عمران خان اور صدرمملکت عارف علوی سے خصوصی ملاقات کریں گی، اس حوالے سے ترجمان دفتر خارجہ کا کہنا ہے کہ ماریہ ایسپی نوزا وزیرخارجہ شاہ محمود قریشی سے بھی سے بھی ملاقات کریں گی۔

واضح رہے کہ بحیثیت صدر جنرل اسمبلی ذمہ داریاں سنبھالنے کے بعد ماریہ ایسپی نوزا کا ایشیا کا یہ پہلادورہ ہے، رواں ماہ اقوام متحدہ میں پاکستان کی سفیر ملیحہ لودھی نے نیویارک میں جنرل اسمبلی کی نومنتخب صدر ماریہ اسپینوزا سے ملاقات کی۔

پاکستانی سفیر نے بتایا کہ ملاقات میں دورہ پاکستان کی تیاریوں کوحتمی شکل دی گئی۔ ملیحہ لودھی نے بتایا کہ کسی بھی صدرجنرل اسمبلی کا یہ 8سال کے وقفے کے بعد دورہ پاکستان ہے، دورے کے دوران ماریہ اسپینوزاصدراوروزیراعظم پاکستان سے ملاقاتیں کریں گی۔

مزید پڑھیں: امریکی مخالفت کے باجود پاکستان اقوام متحدہ کی جنرل اسمبلی کا رکن منتخب

یاد رہے کہ اقوام متحدہ کی جنرل اسمبلی میں صدر کو سالانہ بنیاد پر ووٹنگ کے ذریعے منتخب کیا جاتا ہے جو صدر جنرل اسمبلی کے اجلاس کی صدارت کرتا ہے۔

Comments

comments

یہ بھی پڑھیں