The news is by your side.

کابل میں پاکستانی سفارتخانے پر حملہ‌: امریکا اور یواین سیکیورٹی کونسل کی سخت مذمت ، شفاف تحقیقات کا مطالبہ

نیویارک : امریکا اور اقوام متحدہ کی سیکیورٹی کونسل نے کابل میں پاکستانی سفارتخانے پر حملے کی سخت مذمت کرتے ہوئے مکمل اور شفاف تحقیقات کا مطالبہ کردیا۔

تفصیلات کے مطابق اقوام متحدہ کی سیکیورٹی کونسل نے کابل میں پاکستانی ہیڈآف مشن پرحملے کی سخت مذمت کرتے ہوئے زخمی سیکیورٹی گارڈ کی جلد صحتیابی کیلئے نیک خواہشات کا اظہار کیا۔

سیکیورٹی کونسل نے متعلقہ پارٹیز کو سفارتخانے ، قونصلیٹس کی حفاظت یقینی بنانے کی ہدایت کرتے ہوئے کہا ملزمان کیخلاف کارروائی کی جائے اور انصاف کے کٹہرے میں لایاجائے۔

یو این کا کہنا ہے کہ سیکیورٹی کونسل ممبر ممالک ملزمان، ادارے ،فنانسرز کےخلاف کارروائی کریں، ویانا کنونشن کے تحت سفارت خانوں کو سیکیورٹی مہیا کرنا اس ملک کی ذمہ داری ہے۔

اعلامیے میں کہا گیا کہ بین الاقوامی قوانین اوریواین قرارداد کےمطابق متعلقہ اداروں سے تعاون کریں۔

دوسری جانب امریکا کی جانب سے کابل میں پاکستان ہیڈ اف مشن پر حملے کی مذمت کی گئی ، امریکی محکمہ خارجہ کے ترجمان نیڈ پرائس نے کہا کابل میں پاکستان ہیڈ آف مشن پرحملے پرتشویش ہے، حملے کی مکمل اور شفاف تحقیقات کا مطالبہ کرتے ہیں۔

Comments

یہ بھی پڑھیں