The news is by your side.

Advertisement

سڑک کنارے کھڑے افراد کے ساتھ اچانک دل دہلا دینے والا واقعہ (کمزور دل افراد ویڈیو نہ دیکھیں)

جے پور: بھارتی ریاست راجستھان کی ایک ویڈیو سوشل میڈیا پر وائرل ہوئی ہے، جو ایک ہولناک منظر پر مبنی ہے۔

راجستھان کی ایک غیر معمولی ویڈیو کو جب انٹرنیٹ پر سوشل میڈیا صارفین نے دیکھا تو وہ خوف زدہ ہو گئے، 5 افراد ایک دکان کے باہر موجود تھے کہ اچانک وہ کچھ ہو گیا جس کا کوئی سوچ بھی نہیں سکتا تھا۔

ویڈیو میں دیکھا جا سکتا ہے کہ ایک مکینک کی دکان کے باہر کچھ لوگ کھڑے ہیں اور آپس میں باتیں کر رہے ہیں، کہ اچانک ان کے پیروں تلے سے زمین سچ مچ میں کھسک گئی۔

ویڈیو میں نظر آتا ہے کہ کھڑے افراد کے قدموں کے نیچے زمین اتنی اچانک دھنس گئی کہ دیکھنے والوں کو بھی جھٹکا لگ جاتا ہے۔

جیسے ہی زمین دھنس گئی چاروں افراد نیچے گر کر غائب ہو گئے اور پاس کھڑی موٹر سائیکل بھی کھسک کر زمین میں بننے والے گڑھے میں گر گئی۔

پاس ہی ایک اور بندہ زمین پر بیٹھے کام میں مگن ہے، وہ بھی زمین میں نمودار ہونے والے خلا میں پھسل کر غائب ہو جاتا ہے۔

رپورٹ کے مطابق یہ ایک نالا تھا جس پر بنی چھت اچانک ڈھ گئی تھی، تاہم خوش قسمتی سے گرنے والے افراد کو کوئی شدید چوٹ نہیں آئی۔

Comments

یہ بھی پڑھیں