جامعہ کراچی پوائنٹ بسوں کے کرایوں میں اضافے کیخلاف احتجاج -
The news is by your side.

Advertisement

جامعہ کراچی پوائنٹ بسوں کے کرایوں میں اضافے کیخلاف احتجاج

کراچی : جامعہ کراچی کی پوائنٹ بسوں کے کرایوں میں اضافے کیخلاف طلباء نے شدید احتجاج کرتے ہوئے ایڈمنسٹریشن بلاک کاگھیراؤ کرلیا۔

جامعہ کراچی کی انتظامیہ نے گذشتہ چھ ماہ کے دوران دوسری مرتبہ یونیورسٹی ٹرانسپورٹ کے کرائے میں پانچ روپے کا اضافہ کرایا ہے ،اور اس طرح اضافے کے ساتھ یکطرفہ کرایہ 15 روپے مقرر کیے جانے کے خلاف سینکڑوں طلبہ وطالبات نے جامعہ کراچی کے انتظامی بلاک اور وائس چانسلر کے آفس کے سامنے احتجاجی دھرنا دیا۔

طالب علموں کاموقف ہے کہ چند ماہ قبل کرایہ پانچ روپے سے دس روپے اور اب نئے تعلیمی سال پر دس روپے سے پندرہ روپے تک کرائے میں اضافہ کیا گیا ، طالب علموں کے مطابق سال اول میں داخلے کے موقع پر داخلہ فیس کے ساتھ ٹرانسپورٹ فیس بھی وصول کی جاتی ہے۔

اس کے باوجود طالب علم یومیہ بنیاد آنے اور جانے کا کرایہ بھی ادا کرتے ہیں، تاہم اب یہ اضافہ قبول نہیں کیا جائے گا۔

جامعہ کراچی کی انتظامیہ نے طلبہ وطالبات کو یقین دھانی کرائی کہ جس کے بعد طلبہ و طالبات نے دھرنا ختم کردیا۔

Comments

comments

یہ بھی پڑھیں