بھارت میں شادی کے دوران اسٹیج پر دلہا دلہن کو ہوائی فائرنگ کرنا مہنگا پڑ گیا۔
بھارتی ریاست غازی آباد میں دلہا دلہن نے شادی کے دوران ہوائی فائرنگ کی جس کی ویڈیو سوشل میڈیا پر وائرل ہونے کے بعد پولیس نے ایکشن لے لیا۔
ویڈیو میں دیکھا جاسکتا ہے کہ دلہا اور دلہن دونوں بندوق پکڑے فائرنگ کررہے ہیں۔
ویڈیو میں دیکھا جاسکتا ہے کہ دلہا اور دلہن نے فائرنگ کررہے ہیں اور اس دوران پس منظر میں موجود مہمان تالیاں بجا رہے ہیں۔
शादी के जोश में खोया होश,दूल्हा दुल्हन पर कानूनी कार्रवाई की तैयारी,ग़ाज़ियाबाद के घंटाघर का मामला pic.twitter.com/aTeoI2xcZD
— Mukesh singh sengar मुकेश सिंह सेंगर (@mukeshmukeshs) December 14, 2021
فائرنگ سے کوئی نقصان نہیں ہوا لیکن ویڈیو وائرل ہونے پر پولیس نے نوٹس لے لیا۔
پولیس کا کہنا ہے کہ مذکورہ جوڑے کا پتا لگانے کی کوشش کی جارہی ہے، عوامی اجتماعات، مذہبی مقامات، شادی بیاہ کے موقع پر لائسنس یافتہ اسلحے سے فائرنگ کرنا جرم ہے۔
پولیس کا کہنا ہے کہ قوانین کی خلاف ورزی کرنے والے افراد کے خلاف سخت کارروائی عمل میں لائی جائے گی۔